«Մարուքյանն ամեն ինչ արել է, որ իրեն հարվածեն»․վեճ ԱԺ–ում (ՎԻԴԵՈ)
13:42
13 Մայիսի 2020
ԵՐԵՎԱՆ, 13 մայիսի./Նովոստի–Արմենիա/. Այսօր կրկին թեժ խոսակցություն է եղել ՀՀ ԱԺ փոխխոսնակ Ալեն Սիմոնյանի և «Լուսավոր Հայաստան» խմբակցության ղեկավար Էդմոն Մարուքյանի միջև։
Սկզբում Սիմոնյանը Մարուքյանին վստահեցնում էր, որ վերջինիս ոչ ոք չի հարվածել հետևից, իսկ մի քանի րոպե անց լրագրողներին ասաց, որ «Մարուքյանն ամեն ինչ արել է, որ իրեն հարվածեն»։
Դրան ի պատասխան՝ Մարուքյանն ասաց, որ այդ խոսքերով Սիմոնյանը արդարացնում է բռնությունը։
Լրագրողների այն հարցին, թե արդյո՞ք իշխանությունը պետք է տրվեր սադրանքին, Մարուքյանը պատասխաեց, որ դա ազատ խոսք է, ոչ թե սադրանք։ Հետո՝ դիմելով Սիմոնյանին, հավելեց․ «Դուք մսխում եք ժողովրդի վստահությունը»։ Դրանց հետո Մարուքյանը հեռացավ։
Загружается новость ... "Лево"
Լրագրողներից մեկը դիմեցի Ալեն Սիմոնյանին՝ հարցնելով արդյո՞ք նրա կողմից սադրանք չի լինում, երբ վերջինս իր ելույթների ժամանակ վիրավորում է Մարուքյանին, հիշեցնում նախկիններին, հրահրում։
«Մենք դա անելու որևէ նպատակ չենք կարող ունենալ։ ՀՀ իշխանությունը մեղադրվում է երկրում տեղի ունեցած ցանկացած ցնցման համար, ուստի մեզ համար սադրանքներ անելու իմաստ չկա»,- պատասխանել է Սիմոնյանը։
Հիշեցնենք, որ մայիսի 8–ին Մարուքյանն ԱԺ–ում ելույթի ժամանակ մեղադրել է իմքայլական Բաբկեն Թունյանին ու նշել, որ նա լարվածություն է ստեղծում ԱԺ–ում։ Դրանից հետո պատգամավոր Սասուն Միքայելյանը սկսել է տեղից ռեպլիկներ բաց թողնել։ Մարուքյանը պահանջել է, որ իրենց չանվանեն «հոպար», իսկ մի քանի վայրկյան անց ամբիոնի մոտից շարժվել է դեպի Սասուն Միքայելյանը, ինչը վերածվել է զանգվածային ծեծկռտուքի։-0-
Պեսկովը հայտարարել է, որ Մոսկվան շարունակում է շփումները Երևանի հետ, որպեսզի պարզաբանի ՀՀ վարչապետ Նիկոլ Փաշինյանի հայտարարությունները ՀԱՊԿ–ում անդամակցության «սառեցման» մասին
