«Դա պատմական ճեղքում է հայերի համար». Սոլովյովը` ԱՄՆ-ում Հայոց ցեասպանությունը ճանաչող բաձևի ընդունման մասին (ՎԻԴԵՈ)

ԵՐԵՎԱՆ, 31 հոկտեմբերի. /Նովոստի-Արմենիա/. Ռուս լրագրող և հաղորդավար Վլադիմիր Սոլովյովը «Полный контакт» հաղորդման ընթացքում վերլուծել է ԱՄՆ Ներկայացուցիչների պալատի կողմից Հայոց ցեղասպանությունը ճանաչող բանաձևի ընդունման պատճառները:

«Նախօրեին ամերիկացիները կարևոր ճեղքում են կատարել, շատ վճռորոշ` Ներկայացուցիչների պալատում քվեարկել են Հայոց ցեղասպանությունը ճանաչող բանաձևի օգտին», - հիշեցրել է Սոլովյովը:

Ըստ նրա, դա շատ կարևոր քայլ է, որը ոչ մի դեպքում չի կարելի թերագնահատել և շատ հետաքրքիր է վերլուծել այդ որոշման պատճառները:

«Պետք է հասկանալ, որ ամերիկացիները` բացարձակապես ազնիվ ժողովուրդ է: Այսպես, Պալատը, որտեղ հիմա դեմոկրատներն են ամեն ինչ վերահսկում, բացարձակ արդար ընդունեց 1915 թ. Հայոց ցեղասպանությունը ճանաչող որոշում: Նրանք երկար ժամանակ չէին անում դա, չնայած նահանգներում ցեղասպանությունը ճանաչում էին», - ասել է հաղորդավարը`հիշեցնեով, որ ամերիկացի նախագահների հետ «երկար ժամանակ պայքար էր իրականացվում», որպեսզի նրանք արտահայտեն ոչ թե «ողբերգություն» վերացական արտահայտությունը, այլ բավականին կոնկրետ «ցեղասպանություն» եզրույթը:

Սոլովյովը նշել է, որ բազմաչարչար հայ ժողովուրդի համար ԱՄՆ-ում տեղի ունեցածը, անկասկած, մեծ ուրախություն է:

«Թուրքիայի արտաքին քաղաքականության համար Հայոց ցեղասպանության ճանաչումը զգայուն հարց է և ակնհայտ է, որ ամերիկացիները` իրենց նկատառումներից ելնելով, ամեն կերպ փորձում էին խուսափել ճանաչումից Կոնգրեսի մակարդակով, խուսափել ցեղասպանության ճանաչումից պետական մակարակի վրա», - նշել է նա:

Ըստ հաղորդավարի, Թուրքիայի ԱԳՆ-ի ղեկավարը, իհարկե, արդեն դատապարտել է Պալատի կողից ընդունված բանաձևը:

«Ներկայացուցիների պալատը հավանություն է տվել նաև Սիրիայի տարածքում Թուրքիայի կողմից գործողություն ծավալելու պատճառով Թուրքիայի դեմ օրինագծի ընդունմանը և Թուրքիայի կողմից ռուսական С-400 ՀՕՊ համակարգերի ձեռքբերմանը: Օրինագիծը պատժամիջոցներ է առաջարկում պաշտպանության նախարարի և թուրք այլ նախարարների, ինչպես նաև Halbank պետբանկի դեմ: Հիմա այն պետք է հավանություն ստանա Սենատի կողից, ինչից հետո այն պետք է ստորագրի նախագահը: Թուրքիան դատապարտել է նաև այդ որոշումը, անվանելով այն չհամապատասխանող ՆԱՏՕ-ի ոգուն և Սիրիայի հարցով թուրք-ամերիկյան համաձայնությանը», - ասել է Սոլովյովը:

Նա հիշեցրել է նաև, որ Ռուսաստանը վաղուց արդեն ճանաչել է Հայոց ցեղասպանոթյունը:

«Եվ պետք է նշել, որ իրենց դիրքորոշումն այդպես հետևողականորեն արտահայտող երկրները շատ են: Եվ հայերն այդ տեսանկյունից կեցցեն, նրանք հետևողականորեն են աշխատում` ի հիշատակ իրենց և իրենց պատմության հարգանքի», - հավելել է հաղորդավարը:-0-