ԵՐԵՎԱՆ, 30 նոյեմբերի. /Նովոստի–Արմենիա/. Ռուսաստանի պետական հումանիտար համալսարանի արտասահմանյան ռեգիոնագիտության և արտաքին քաղաքականության ամբիոնի դոցենտ, քաղաքագետ, կովկասագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
Նոյեմբերի 19–ին «Զվեզդա» հեռուստաալիքի հաղորդավարուհի Վերոնիկա Կրաշենիննիկովան մեղադրեց Հայաստանին, որ այն գնում է Ուկրաինայի ճանապարհով։ Նա նաև նշեց, որ Գարեգին Նժդեհը, որի արձանը տեղադրվել է Երևանի կենտրոնում, «հայ Բանդերա» է, իսկ իշխող ՀՀԿ–ի սիմվոլիկան էլ համեմատեց Ադոլֆ Հիտլերի ժամանակների գերմանական խորհրդանշանի հետ։ Այնուհետև հաղորդավար Մաքսիմ Շևչենկոն ՌԴ Առաջին ալիքով հեռարձակվող «Ժամանակը ցույց կտա» հաղորդման ընթացքում հայտարարեց, որ հայերը Ռուսաստանի թշնամիներն են։ Իսկ նոյեմբերի 28–ին НТВ հեռուստաալիքով հեռարձակվող «Հանդիպման վայր» հաղորդման ընթացքում Հայաստանը մասնավորապես համեմատեցին անհավատարիմ կնոջ հետ։
«Պլուրալիզմի ևս մեկ դրսևորում։ Կրեմլը պաշտոնական մակարդակում, կարծես, չի խոչընդոտել Հայաստանի և ԵՄ–ի միջև համաձայնագրի ստորագրմանը։ Ավելին, երբ 2015 թ.–ին մեկնարկեցին փաստաթղթի նոր տեքստի շուրջ բանակցությունները, Կրեմլը տեղյակ էր բոլոր մանրամասներից», – գրել է Մարկեդոնովը Facebook–յան իր էջում։
Նրա խոսքով, ՀՀ նախագահ Սերժ Սարգսյանը մինչև Բրյուսել այցելելը եղել է Մոսկվայում, հանդիպել ռուս գործընկեր Վլադիմիր Պուտինի հետ։
Загружается новость ... "Лево"
«Թվում է, թե ամեն ինչ նորմալ է։ Եթե այդպես է, ապա ի՞նչ է նշանակում հեռուստաալիքներով հնչող «անհավատարիմ կնոջ» և «ֆաշիստ Նժդեհի» մասին հիստերիան։ Որտե՞ղ են Ցեղակրոնի գաղափարները, իսկ որտե՞ղ` այսօրվա «եվրոպական արժեքները»։ Ինչու՞ եք ամեն ինչ իրար խառնում», – նշել է Մարկեդոնովը։
Նա միաժամանակ ընդգծել է, որ Նժդեհի երկրպագուն չէ, սակայն «նրա շուրջ ստեղծված վեճով թող զբաղվեն պատմաբանները»։
Գարեգին Նժդեհը (Գարեգին Տեր–Հարությունյան) մեծանուն հայ պետական գործիչ է (1886–1955 թթ.), ով 20–րդ դարի սկզբում պայքարել է Հայաստանի կայացման և տարածքային ամբողջականության պահպանման համար։ Նժդեհը «Ցեղակրոնություն» եզրույթի և գաղափարախոսության հեղինակն է։ Եզրույթը ենթադրում է, որ յուրաքանչյուր հայի համար բարձրագույն արժեքը նրա ցեղն է, ընտանիքն ու ավանդույթները։ Ցեղակրոնության նպատակն է հայ ժողովրդի միավորումը Պատմական Հայաստանի տարածքում մեկ՝ հայկական պետության շրջանակում։ Նժդեհի գաղափարները հիմք են դարձել իշխող ՀՀԿ–ի գաղափարախոսական պլատֆորմի համար։
Загружается новость ...
"Право"
«Սակայն թող նրա մասին վիճեն պատմաբաններն` աղբյուրների հիման վրա, ոչ թե տհաճ հաղորդավարները։ Իսկ հիմա սկսել են խոսել «կնոջ և ամուսնու մասին»», – գրել է Մարկեդոնովը։
Նա նշում է, որ որպես մարդ, ով զբաղվում է Կովկասով արդեն քառորդ դար և ի տարբերությունը բազմաթիվ «հեռուստատեսային գիտակների»` այցելում է տարածաշրջան տարին մի քանի անգամ (Հայաստան 2017 թ–ին եղել է չորս անգամ), հասկանում է, որ կա անհամաչափ ընկալում։
«Բարեկամներ, ինչու՞ է հարկավոր ավելորդ լարվածություն։ Այո, մենք Հայաստանի հետ երկխոսության մեջ ավելի ուժեղ դիրքերում ենք, դրանք գերակշիռ են, նրանք մեզնից ավելի շատ են կախված, մեր օգնությունը եվրոպականից ավելի կարևոր է։ Իսկ Գյումրու բազան մեզ ընդհանրապես հարկավոր չէ՞, իսկ ղարաբաղյան հակամարտության հարցում մասնակցությունը մեզ ի ծնե՞ է երաշխավորված», – գրել է Մարկեդոնովը։
Նա կոչ է արել լռել «հյութեղ կերպարների սիրահարներին»։
Загружается новость ... "Лево"
«Խոհանոցում սեփական կանանց հետ հղկեք վարպետությունը, որպեսզի հետո չափսոսաք բաց թողած դաշնակցի համար։ Եվ ժամանակն է արդեն, որպեսզի «համակարգողներից» ոմանք սկսեն օգտագործել իրենց իշխանությունը հենց այնտեղ, որտեղ հարկավոր է, իսկ որտեղ հարկավոր չէ, մենք առանց այդ էլ շատ պետեր ունենք», – նշել է Մարկեդոնովը։
Հայաստան–ԵՄ համապարփակ և ընդլայնված գործընկերության համաձայնագիրը ստորագրվել է նոյեմբերի 24–ին ԵՄ «Արևելյան գործընկերության» ծրագրի 5–րդ գագաթնաժողովի շրջանակում։ Այն որոշ իմաստով համահունչ է ԵՄ–ի հետ ասոցացման պայմանագրի նախագծի հետ, որը Հայաստանը պետք է ստորագրեր 2013 թ.–ի նոյեմբերին։ Սակայն չստորագրեց, քանի որ հայտարարեց, որ ցանկանում է մուտք գործել Մաքսային միություն և մասնակցել եվրասիական ինտեգրմանը։–0–