Փոխվստահության ձևավորուման գործընթացը երբեք չի լինում միակողմանի․ փորձագետնը՝ Երևան–Բաքու բանակցությունների մասին

ԵՐԵՎԱՆ, 29 մարտի․/Նովոստի–Արմենիա/․ Փոխվստահության ձևավորուման գործընթացը երբեք չի լինում միակողմանի գործընթաց, 168.am–ին տված հարցազրույցում ասել է «Հայացք» վերլուծական կենտրոնի ղեկավար Կարեն Բեքարյանը՝ մեկնաբանելով Երևանի և Բաքվի միջև ընթացող բանակցային գործընթացը։

«Այսինքն, դու չես կարող քեզ դնել հիմարի տեղ, դիմացինի ամբողջ արածը չտեսնել և ասել․ «Ես ինքնուրույն, միայն, երկուսիս միջև վստահություն կստեղծեմ»։ Չի լինում ըտենց բան», – ասել է Բեքարյանը։

Միաժամանակ նա չի հերքել կողմերի միջև երկխոսության հաստատման անհրաժեշտությունը։

Փորձագետի խոսքով, չի ստացվի ունենալ կայուն, իրական խաղաղություն կամ «դրա տեսլականը», երբ դրան հասնելը հարկադրանքի ներքո է։

«Այսինքն անընդհատ հարկադրանք, միակողմանի զիջումներ, հարկադրանք, միակողմանի զիջումներ», – նշել է նա։

Փոորձագետը նաև վստահություն է հայտնել, որ եթե խաղաղությունը հնարավոր լիներ, կողմերն արդեն վաղուց կկնքեին։
«Չէ որ այս իշխանությունը բառիս բուն իմաստով հրաժարվեց Արցախից և ապահովեց հայկական զորքերի դուրսբերումը Սյունիքի մարզում տեղակայված սահմանային մասերից», – ասել է Բեքարյանը։–0–