Մակրոնը մտադիր է հասնել Թուրքիային ԵԱՀԿ Մինսկի խմբից հեռացմանը

ԵՐԵՎԱՆ, 1 հոկտեմբերի․ /Նովոստի-Արմենիա/․ Եվրոպական խորհուրդը փակ նիստ է անցկացնում Արցախի առնչությամբ, որի ընթացքում Ֆրանսիայի նախագահ Էմանուել Մակրոնը հաստատել է, որ փաստեր ունի Թուրքիայի կողմից սիրիացի իսլամիստների՝ Ադրբեջանին աջակցելու հետ կապված: Այս մասին Twitter-յան իր միկրոբլոգում հայտնել է ԵՄ խորհրդարանի անդամ Չարլի Վեյմերսը։

Վեյմերսի խոսքով` ինքը հարց կբարձրացնի արդյոք Եվրոպական Միություն պատրաստվում է դատապարտել հակամարտությունում Թուրքիայի ներգրավվածությունը և դիտարկում է արդյոք ԵԱՀԿ Մինսկի խմբից Թուրքիային հեռացնելու հնարավորությունը։


Ավելի վաղ Ֆրանսիայի նախագահ Էմանուել Մակրոնը հայտնել էր, որ Ֆրանսիան ունի «ստույգ տեղեկատվություն» այն մասին, որ Թուրքիայից ժամանած սիրիացի գրոհայինները մասնակցում են Լեռնային Ղhարաբաղում ռազմական գործողություններին։ «Սա շատ լուրջ է: Մենք դա կքննարկենք գագաթնաժողովին մոտակա ժամերին»,- ասել է նա։

ՀՀ պաշտպանության նախարարության ներկայացուցիչ Արծրուն Հովհաննիսյանը հինգշաբթի կայացած ճեպազրույցում ասաց, որ Ադրբեջանի և Թուրքիայի կողմից ահաբեկիչ-վարձկանների ներգրավումը Արցախի դեմ ռազմական գործողություններին այլևս կասկած չի հարուցում: Ըստ հայկական կողմի, շուրջ 4 հազար սիրիացի գրոհայիններ կռվում են Ադրբեջանի կողմից Արցախում:-0-