Արցախում երկրաշարժ է գրանցվել

ԵՐԵՎԱՆ, 13 հունիսի․ /Նովոստի-Արմենիա/․  Հունիսի 13-ին, տեղական ժամանակով ժամը 16։08-ին (Գրինվիչի ժամանակով ժամը 12:08-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է 2.6 մագնիտուդով, օջախի 10 կմ խորությամբ երկրաշարժ, որի էպիկենտրոնը գտնվում է Արցախի Հանրապետության Քնարավան գյուղից 12 կմ հյուսիս-արևմուտք։ Այս մասին հայտնում է ՀՀ ԱԻՆ մամուլի ծառայությունը։

Էպիկենտրոնի աշխարհագրական կոորդինատներն են հյուսիսային լայնության 40․25⁰ և արևելյան երկայնության 46․00⁰:

Երկրաշարժի ուժգնությունն էպիկենտրոնային գոտում կազմել է 3-4  բալ:

Երկրաշարժը զգացվել է Քարվաճառ քաղաքում՝ 2-3 բալ ուժգնությամբ։-0-