Սոցցանցերում տեղեկություն է տարածվել Ստեփանակերտի բնակչության տարհանման մասին, Արցախի տեղեկատվական շտաբը մեկնաբանում է

ԵՐԵՎԱՆ, 24 ապրիլի./Նովոստի-Արմենիա/. Սոցիալական ցանցերի հայկական տիրույթում տարածվում է Արցախի Հանրապետության կառավարության մի «որոշում», որի համաձայն՝ իբր Ստեփանակերտի բնակչությունը պետք է տարհանվի մինչև ս․թ․ ապրիլի 30-ը։

Արցախի տեղեկատվական շտաբը հայտնում է, որ այն չափազանց փնթի ձևով պատրաստված բացահայտ ապատեղեկատվություն է, որը ջանասիրաբար տարածվում է Ադրբեջանի հատուկ ծառայությունների կողմից և բացարձակապես չի համապատասխանում իրականությանը։

«Խնդրում և հորդորում ենք մեր քաղաքացիներին՝ հետևել միայն պաշտոնական լրահոսին և չտրվել հակառակորդի սադրանքներին», - նշվում է հաղորդագրության մեջ։-0-