Ռուս խաղաղապահները Մատաղիսի մոտ հայտնաբերել են պատերազմին մասնակցած զինծառայողի մասունք, նրա ինքնությունը կհաստատվի փորձաքննությունից հետո

ԵՐԵՎԱՆ, 13 հունվարի./Նովոստի–Արմենիա/. Ռուսական խաղաղապահ առաքելության զորակազմը ԱԻ պետական ծառայությանն է փոխանցել հյուսիսարևելյան ուղղությունից (Մատաղիս) հայտնաբերված ևս մեկ զինծառայողի (ռազմական գործողությունների մասնակից) մասունք, հաղորդում է Արցախի ՆԳՆ Արտակարգ իրավիճակների պետական ծառայությունը:

Նրա ինքնությունը կհաստատվի դատաբժշկական փորձաքննությունից հետո:

Զինադադարից հետո որոնողական աշխատանքների ընթացքում հայտնաբերված կամ փոխանցված աճյունների ու մասունքների ընդհանուր թիվը 1705 է:

Այս պահին տարվում են բանակցություններ, որոնողական աշխատանքները վերսկսելու կապակցությամբ:

ԱԻ պետական ծառայությունը կտրամադրի հավելյալ տեղեկություն:–0–