Այսօր Հադրութի շրջանից տարհանվել է 3 աճյուն, ընդհանուր առմամբ հայտնաբերվել է 1601 աճյուն․ԱԻՊԾ
09.07.2021,
20:33
Այսօր Հադրութի շրջանից տարհանվել է 3 աճյուն, ընդհանուր առմամբ հայտնաբերվել է 1601 աճյուն
ԵՐԵՎԱՆ, 9 հուլիսի․/Նովոստի-Արմենիա/․ Զոհված զինծառայողների աճյունների որոնումներն այսօր փրկարարական մեկ ջոկատով իրականացվել են Հադրութի շրջանում, հաղորդում է ԱՀ ՆԳՆ ԱԻՊԾ-ն։
«Աշխատանքների ընթացքում հայտնաբերվել և Ադրբեջանի կողմից օկուպացված շրջանից տարհանվել է ևս 3 աճյուն», - նշվում է գերատեսչության հաղորդագրության մեջ։
Նրանց ինքնությունը կհաստատվի դատաբժշկական փորձաքննությունից հետո։
Նշենք, որ զինադադարից հետո մինչ օրս, Արցախի վերահսկողությունից դուրս մնացած տարածքներից հայտնաբերվել է 1601 աճյուն։-0-
Պատճենել հղումը
