Քաղաքացին ճանապարհին հայտնաբերել է մետաղական ցանցի մեջ խճճված արջի քոթոթ (ՖՈՏՈ, ՎԻԴԵՈ)
28.04.2025,
11:39
Քաղաքացին արջի քոթոթին ազատել է ցանցից և տեղափոխել իր տուն․ ՖՈՏՈ, ՎԻԴԵՈ
ԵՐԵՎԱՆ, 28 ապրիլի․/Նովոստի–Արամենիա/․ Բնապահպանության և ընդերքի տեսչական մարմին ահազանգ է ստացվել Տավուշի մարզի Աչաջուր համայնքում հայտնաբերված արջի քոթոթի վերաբերյալ, հայտնում են գերատեսչությունից։
Տեսուչները տեղում պարզել են, որ Աչաջրի բնակիչ Ա․Սարուխանյանն Աչաջուր-Մակարավանք ճանապարհին հայտնաբերել է մետաղական ցանցի մեջ խճճված արջի քոթոթ, որին ինքնուրույն ազատել ու տեղափոխել է իր տուն։
Կենդանու արտաքին զննությամբ վնասվածքներ չեն հայտնաբերվել։
Գորշ արջի մոտ 2 ամսական քոթոթը տեղափոխվել է կենդանիների վերականգնողական կենտրոն։
Պատճենել հղումը
