Ողբերգական դեպք Երևանում. Երևանյան լճում հայտնաբերվել է մի քանի օր որպես անհետ կորած որոնվող կնոջ դին

ԵՐԵՎԱՆ, 13 հուլիսի./Նովոստի-Արմենիա/. Ողբերգական դեպք է տեղի ունեցել Երևանում:

Փրկարարները Երևանյան լճից դուրս են բերել մի քանի օր որպես անհետ կորած որոնվող կնոջ դին:

Ինչպես հայտնում են ԱԻՆ Փրկարար ծառայությունից, հուլիսի 13-ին, ժամը 11։31-ին Ճգնաժամային կառավարման ազգային կենտրոն տեղեկություն է ստացվել, որ քաղաքացու դի է նկատվել Երևանյան լճումմ դուրս բերելու համար անհրաժեշտ է փրկարարների օգնությունը։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Փրկարարները դուրս են բերել Երևանյան լճից քաղաքացի Ս. Ս.-ի (ծնված 1959 թ․) դին:

Հայկական ԶԼՄ-ների հաղորդմամբ, կինը մի քանի օր որոնվում էր որպես անհետ կորած:-0-