626.73
6.99
533.84
+18
Եղանակը Երևանում
Հայ

Ներկայացել է որպես ադրբեջանցի, պահանջել մերկ լուսանկար՝ անհետ կորածի մասին տեղեկություն տալու դիմաց. ԱԱԾ–ի բացահայտումը (ՎԻԴԵՈ)

11:48
15 Փետրվարի 2021

ԵՐԵՎԱՆ, 15 փետրվարի./Նովոստի–Արմենիա/. ՀՀ ազգային անվտանգության ծառայությունը, հետևողական կերպով շարունակելով հանրային տարբեր բնագավառներում առկա հանցավոր դրսևորումները կանխելու և բացահայտելու ուղղությամբ իր գործառույթների անշեղ իրացումը, ձեռնարկված օպերատիվ-հետախուզական համալիր միջոցառումների արդյունքում պարզել է, որ Հայաստանի Հանրապետության չափահաս քաղաքացին, Facebook.com սոցիալական ցանցում հանդես գալով  «Ազիզ Մուրադով» տվյալներով, նույն ցանցի միջոցով կապ է հաստատել 2020 թվականի սեպտեմբերի 27-ին Ադրբեջանի Հանրապետության կողմից Արցախի Հանրապետության դեմ սանձազերծված պատերազմում անհետ կորած համարվող զինծառայողների մերձավոր ազգականների իգական սեռի ներկայացուցիչների հետ, որոնց թվում եղել է նաև 16 տարին չլրացած մեկ երեխա և, ներկայանալով որպես ադրբեջանցի, վերջիններիս սուտ տեղեկություններ է հայտնել նրանց գտնվելու վայրի ու պահման պայմանների մասին, որից հետո անհետ կորածների մասին որոշակի տեղեկություններ հայտնելու դիմաց պահանջել է հիշյալ սոցիալական ցանցի՝ իր էջին ուղարկել մերկ վիճակում կատարված լուսանկարներ և տեսագրություններ՝ հակառակ դեպքում սպառնալով սպանել կամ բռնություն գործադրել նրանց գերեվարված հարազատների նկատմամբ, հաղորդում է ՀՀ ԱԱ–ն: 

Վերոհիշյալ դիտավորյալ գործողություններով սոցիալական ցանցի՝ նշված օգտատերը կատարել է մարդկանց, այդ թվում՝ 16 տարին չլրացած երեխայի շահագործում, որը դրսևորվել է իգական սեռի մի խումբ անձանց շահագործման վիճակի մեջ դնելով՝ կյանքի կամ առողջության համար վտանգավոր բռնություն գործադրելու սպառնալիքով, ինչպես նաև վիճակի խոցելիությունն օգտագործելու միջոցով: 

«Վերը նշված դեպքերի առթիվ ՀՀ ԱԱԾ քննչական դեպարտամենտում ՀՀ քրեական օրենսգրքի համապատասխան հոդվածներով հարուցված քրեական գործի շրջանակներում հանցանք կատարելու մեջ անմիջականորեն ծագած կասկածանքի հիման վրա բերման է ենթարկվել տվյալ սոցիալական ցանցում «Ազիզ Մուրադով» տվյալներով գրանցված ՀՀ քաղաքացին, ով ձերբակալվել և տվել է խոստովանական ցուցմունքներ: Կալանքը որպես խափանման միջոց կիրառելու վերաբերյալ միջնորդություն է ներկայացվել դատարան, որը բավարարվել է»,– նշվում է գերատեսչության հաղորդագրության մեջ: 

Նախաքննության ընթացքում պարզաբանվել են շուրջ մեկ տասնյակ  տուժողներ, ովքեր դեպքի հանգամանքների վերաբերյալ տվել են համապատասխան պարզաբանումներ, կատարվել են բազմաթիվ անհետաձգելի քննչական և այլ դատավարական գործողություններ, այդ թվում՝ կատարված խուզարկությունների արդյունքում կասկածյալի բնակարանում հայտնաբերվել և առգրավվել են վերջինիս կողմից շահագործված բջջային հեռախոսները, ինչպես նաև քրեական գործի համար նշանակություն ունեցող այլ առարկաներ: 

«ՀՀ ազգային անվտանգության ծառայությունը զգուշացնում է, որ օրենքով իրեն վերապահված գործիքակազմի կիրառմամբ հետևողական կերպով շարունակելու է իր լիազորությունների շրջանակներում ձեռնարկել իրավիճակից բխող վճռական գործողություններ՝ կանխելու խոցելի իրավիճակում հայտնված անձանց նկատմամբ հնարավոր հանցավոր ոտնձգությունները և տեղեկացնում, որ նկարագրված հանցավոր արարքները դասվում են առանձնապես ծանր հանցագործությունների շարքին, որոնց համար որպես պատիժ նախատեսված է տասից տասներկու  տարի ժամկետով ազատազրկում: Միաժամանակ, ՀՀ ազգային անվտանգություն ծառայությունը ևս մեկ անգամ հորդորում է հանրությանն ապավինել բացառապես պաշտոնական աղբյուրներին, զերծ մնալ կասկածելի ծագումնաբանություն ունեցող բոլոր տեսակի առաջարկներից, իսկ այդպիսի առաջարկների դեպքում անհապաղ իրազեկել իրավապահ մարմիններին՝ այդ կերպ խուսափելով խարդախության զոհի կամ այլ խոցելի վիճակում հայտնվելուց», – նշում են ԱԱԾ–ից: 

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն պացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով:–0–

Partners News
ԱՌԿԱ գործակալություն
Բաժնի այլ նյութեր
12:17
06 Ապրիլի 2021
Երևանի մետրոյի վագոններից մեկում առաջացել է տեղային ծխահարում
Երևանի մետրոյի վագոններից մեկում առաջացել է տեղային ծխահարում
11:31
06 Ապրիլի 2021
«Սուրմալու»–ում գիշերը բռնկված հրդեհը հաջողվել է մարել առավոտյան, իրականացվում են հետհանգեցման աշխատանքներ
«Սուրմալու»–ում գիշերը բռնկված հրդեհը հաջողվել է մարել առավոտյան, իրականացվում են հետհանգեցման աշխատանքներ
11:14
06 Ապրիլի 2021
ՀՀ քաղաքացին մեղադրվում է պետական դավաճանության մեջ, նա Թուրքիայում հավաքագրվել է ադրբեջանական հետախուզական ծառայությունների կողմից. ՄԱՆՐԱՄԱՍՆԵՐ
ՀՀ քաղաքացին մեղադրվում է պետական դավաճանության մեջ, նա Թուրքիայում հավաքագրվել է ադրբեջանական հետախուզական ծառայությունների կողմից. ՄԱՆՐԱՄԱՍՆԵՐ
09:53
06 Ապրիլի 2021
Խոշոր հրդեհ «Սուրմալու» առևտրի կենտրոնում, դեպքի վայր է մեկնել 10–ից ավելի մարտական հաշվարկ (ՖՈՏՈ,ՎԻԴԵՈ)
Գիշերը Խոշոր հրդեհ է բռնկվել «Սուրմալու» առևտրի կենտրոնում, դեպքի վայր է մեկնել 10–ից ավելի մարտական հաշվարկ, հրդեհը դեռ չի հաջողվել մարել. ՖՈՏՈ,ՎԻԴԵՈ
20:29
05 Ապրիլի 2021
Երևանի կենտրոնում երկու երիտասարդներ փորձել են մեքենայից գողություն անել ու տեղում բռնվել են (ՎԻԴԵՈ)
Երևանի կենտրոնում երկու երիտասարդներ փորձել են մեքենայից գողություն անել ու տեղում բռնվել են. ՎԻԴԵՈ
13:52
05 Ապրիլի 2021
Խոշոր վրաերթ–ավտովթար Երևանում. 36–ամյա վարորդը վրաերթի է ենթարկել 2 աղջիկների, ապա բախվել էլեկտրասյանն ու ծաղկի սրահին
Խոշոր վրաերթ–ավտովթար Երևանում. 36–ամյա վարորդը վրաերթի է ենթարկել 2 աղջիկների, ապա բախվել էլեկտրասյանն ու ծաղկի սրահին
11:18
05 Ապրիլի 2021
Կրակոցներ Ծաղկաձորի խաղատներից մեկի մոտ. կասկածյալների թվում է Հայաստանի քաղաքապետերից մեկը
Կրակոցներ Ծաղկաձորի խաղատներից մեկի մոտ. կասկածյալների թվում է Հայաստանի քաղաքապետերից մեկը
20:25
04 Ապրիլի 2021
Խոշոր և ողբերգական ավտովթար Արարատի մարզում. կա 1 զոհ, 3 վիրավոր
Խոշոր և ողբերգական ավտովթար Արարատի մարզում, բախվել է 3 մեքենա, կա զոհ ու վիրավորներ
14:00
03 Ապրիլի 2021
Հայաստանում ևս մեկ երկրաշարժ է գրանցվել, այս անգամ Գեղարքունիքում
Հայաստանում մեկ օրվա մեջ երկրորդ երկրաշարժն է գրանցվել
12:52
03 Ապրիլի 2021
Սյունիքում երկրաշարժ է գրանցվել
Սյունիքում երկրաշարժ է տեղի ունեցել
19:40
02 Ապրիլի 2021
Տիգրանաշենի մոտակայքում հայտնաբերվել է 50–ամյա տղամարդու դի`պարանոցին փաթաթված ժապավենով և կտրած վերքերով
Տիգրանաշենի մոտակայքում հայտնաբերվել է 50–ամյա տղամարդու դի`պարանոցին փաթաթված ժապավենով և կտրած վերքերով
23:45
01 Ապրիլի 2021
Ողբերգական ավտովթար Արարատի մարզում. բախվել են Mercedes–ն ու Mazda–ն, վերջինիս վարորդը մահացել է, նրա կինն ու 3 երեխաները հոսպիտալացվել են
Ողբերգական ավտովթար Արարատի մարզում. բախվել են Mercedes–ն ու Mazda–ն, վերջինիս վարորդը մահացել է, նրա կինն ու  3 երեխաները հոսպիտալացվել են