Հրապարակվել են Բեյրութի հզոր պայթյունի կադրերը (ՎԻԴԵՈ)

ԵՐԵՎԱՆ, 5 օգոստոսի./Նովոստի–Արմենիա/. Համացանցում հրապարակվել են այսօր Բեյրութի նավահանգստի մոտ որոտացած հզոր պայթյունի կադրերը։

Այսօր հզոր պայթյուն է որոտացել Բեյրութի նավահանգստի մոտ` Լիբանանի ռազմածովային ուժերի բազայի մոտակայքում։ Պայթյունի ալիքից ցնցվել են Բեյրութի բնակելի թաղամասերը։ Կան ավերածություններ։ Վերջին տվյալներով, պայթյունի հետևանքով զոհվել է 12 մարդ, հարյուրից ավելի մարդ վնասվածքներ է ստացել։

ՀՀ ԱԳՆ–ի հաղորդմամբ, պայթյունի հետևանքով, նախնական տեղեկություններով, մահացել է մեկ հայ, մի քանիսը վնասվածքներ ունեն։–0–