ԵՐԵՎԱՆ, 4 օգոստոսի./Նովոստի-Արմենիա/. Օգոստոսի 3-ին, ժամը 03.05-ին, ՆԳՆ ոստիկանության օպերատիվ կառավարման կենտրոն զանգած երիտասարդը հայտնել էր, որ օգոստոսի 2-ի ժամը 22.00-ի սահմաններում Գաջեգործների փողոցում կնոջ ձեռքից բացահայտ հափշտակել են պայուսակը, որի մեջ երկու միլիոն դրամ, ոսկյա զարդեր, բանկային և նույնականացման քարտեր են եղել, հաղորդում է ՀՀ ոստիկանությունը։
Ոստիկանության Էրեբունու բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ օգոստոսի 2-ին, ժամը 22.00-ին, 27-ամյա կինը պայուսակը, ամբողջ պարունակությամբ, իր ցանկությամբ հանձնել է ծանոթին:
27-ամյա կինը ներկայացվել է քննչական բաժին, որտեղ տվել է խոստովանական ցուցմունք: Ձեռնարկվում են միջոցառումներ՝ ծանոթի անձը պարզելու, նրան և պայուսակը հայտնաբերելու ուղղությամբ:
Կատարվում է նախաքնություն։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
