ԵՐԵՎԱՆ, 1 հուլիսի./Նովոստի–Արմենիա/. 24–ամյա Մարտա Բուստոսը փորձել է տան պայմաններում պատրաստել օճառ ու կոսմետիկա` չկասկածելով անգամ, թե ինչ մղձավանջով դա կարող է ավարտվել։
Загружается новость ... "Лево"
Պատրաստման ընթացքում աղջկա դեմքին և աչքերին է թռել խառնուրդ, որում եղել է այրող նատրիում։ Մարտային լուրջ այրվածքներով շտապ հոսպիտալացրել են, գրում է
life.ru–ն` հղում անելով Marca–ին։
Դժբախտ պատահարի հետևանքով Մարտան կորցրել է տեսողությունն ու երկու շաբաթ անցկացրել հիվանդանոցում։ Նրան մի քանի անգամ վիրահատել են։ Սակայն բժիշկները կարծում են, որ աղջկան անհրաժեշտ է եղջերաթաղանթի փոխպատվաստում։ Եվ դա միակ հույսն է, որ նա կրկին կկարողանա տեսնել։
Իրավիճակը բարդանում է նաև նրանով, որ Մարտան գտնվում է օտար երկրում և չունի ապահովագրություն։ Նա Իսպանիայից տեղափոխվել է ԱՄՆ։ Նրա ընտրյալը` Դևիդը, աջակցում է աղջկան և նրա կողքին է այս դժվարին րոպեներին։ Զույգը կազմակերպել է միջոցների հավաքում GoFundMe հարթակում։ Տուժած իսպանուհին հավատում է, որ կրկին կկարողանա տեսնել սիրելիների դեմքերն ու արևի լույսը։-0-