Որպես անհետ կորած որոնվում է Եղիպատրուշ գյուղի 20–ամյա բնակչուհի Հրանուշ Եղիազարյանը

ԵՐԵՎԱՆ, 29 սեպտեմբերի. /Նովոստի–Արմենիա/. Ոստիկանության Ապարանի բաժնի կողմից որպես անհետ կորած որոնվում է Եղիպատրուշ գյուղի 2-րդ փողոցի 23 տան բնակչուհի, 1996 թ. ծնված Հրանուշ Եղիազարյանը, ով սեպտեմբերի 28-ին, ժամը 00.10-ին, դուրս է եկել տնից և չի վերադարձել, նշվում է ոստիկանության մամուլի ծառայության հաղորդագրության մեջ։

Գերատեսչությունը Հրանուշ Եղիազարյանի գտնվելու վայրի վերաբերյալ տեղեկություն ունեցողներին խնդրում է դիմել ոստիկանության Ապարանի կամ մոտակա բաժին կամ զանգահարել 010-59-06-73, 0252-2-42-12 և 1-02 հեռախոսահամարներով։

Նախօրեին հայտնի էր դարձել Հրանուշ Եղիազարյանի անհետացման մասին։

Հաղորդվել էր, որ նախօրեին առավոտյան Հրանուշը նկատել է, որ արջը հերթական անգամ «այցելել է» գյուղ, որից հետո անհետացել է։ Քիչ հետո աղջինը նույնպես անհետացել է։

Կասկածներ, որ աղջկան արջն է տարել։

Tert.am–ն իր հերթին, հղում անելով Եղիպատրուշի գյուղապետ Մարզպետ Գրիգորյանին, նշել է, որ գյուղում կնոջ անհետացման տարբեր վարկածներ են շրջանառվում, այդ թվում նաև այն, որ երիտասարդ կինը գնացել է ինչ-որ տղամարդու հետ:

Ըստ գյուղապետի՝ կինն ամուսնացած է, ունի 1.5 տարեկան երեխա, ամուսինը Աֆղանստանում ծառայության մեջ է` որպես խաղաղարար:–0–