ԵՐԵՎԱՆ, 27 մայիսի. /Նովոստի–Արմենիա/. Նախօրեին` մայիսի 26-ին, ավազակային հարձակում է տեղի ունեցել Կոտայքի մարզում:
Shamshyan.com–ի հաղորդմամբ` ժամը 22: 00-ի սահմաններում դիմակավորված անհայտ անձը, խաղալիք ատրճանակով զինված, ներս է մտել Առինջ գյուղի 6-րդ փողոցի 19 տուն: Հանցագործը նախ իր հետ բերած բենզինը լցրել է տուժածի` նույն տան բնակիչ, 61-ամյա Գագիկ Փաhլևանյանի վրա, այնուհետև դանակով հարվածներ հասցրել Գ. Փաhլևանյանի որովայնին:
Կայքի հաղորդմամբ` Գ. Փաhլևանյանի որդին` 24-ամյա Սուրեն Փաhլևանյանը օգնության է հասել ծնողին և կարողացել է վնասազերծել հանցագործին:
Գ. Փաhլևանյանը տեղափոխվել է «Սուրբ Գրիգոր Լուսավորիչ» բժշկական կենտրոն, իսկ ավազակային հարձակում կատարողը` նույն գյուղի բնակիչ, 55-ամյա Վիրաբ Ղազարյանը` Աբովյանի բժշկական կենտրոն:
Ավազակային հարձակում կատարողի տունը հսկողության տակ են վերցրել ոստիկանության Կոտայքի բաժնի աշխատակիցները` բաժնի պետ Վարդան Վարդանյանի և Կոտայքի քննչական բաժնի պետ Հրաչ Ղազարյանի գլխավորությամբ:
Կայքի հաղորդմամբ` ոստիկաններն ու քննիչները դեպքի վայրում հայտնաբերել են կոտրված խաղալիք ատրճանակը, որը հանցագործը օգտագործել է իբրև զենք, դիմակը, ձեռնոցները և խոհանոցային դանակ, որոնք ընթերականների ներկայությամբ առգրավվել է քննիչի կողմից:
Փաստի առթիվ քննիչի կողմից հարուցվել է քրեական գործ ՀՀ ՔՕ 175 –րդ հոդվածի 1-ին մասի (ավազակություն) և 235–րդ հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) հատկանիշներով: –0–