ԵՐԵՎԱՆ, 24 դեկտեմբերի. /Նովոստի-Արմենիա/. Հինգշաբթի ողբերգական դեպք է տեղի ունեցել Սյունիքի մարզում:
Ժամը 11:30-ի սահմանում ոստիկանության Սիսիանի բաժին ահազանգ է ստացվել, որ Երիտասարդական փողոցի տներից մեկին հարակից գոմում տղամարդու դի կա:
Ինչպես հայտնում է shamshyan.com կայքը, նշված վայր է ժամանել ոստիկանության օպերատիվ խումբը:
Պարզվել է, որ նույն օրը՝ ժամը 09:00-ից մինչև ժամը 11:30-ն ընկած ժամանակահատվածում, թիվ 2 տան բնակիչ 69-ամյա Ժորա Հակոբջանյանը իր տանը կից անասնագոմում տանիքի գերանից կախվելու միջոցով ինքնասպան է եղել:
Կայքի տեղեկություններով, նա այդ քայլին դիմել է հակի թելով, իսկ տաբատի գրպաններից հայտնաբերվել են նույնաբովանդակ գրություններ, որտեղ գրված է, որ ինքը հիվանդության հետևանքով առաջացած ուժեղ ցավերին չի դիմանում և ստիպված դիմում է ինքնասպանության և խնդրում է իր մահվան մեջ որևէ մեկին չմեղադրել:
Դեպքի վայր են ժամանել նաև Հայաստանի քննչական կոմիտեի քննիչները, ում կողմից փաստի առթիվ հարուցվել է քրեական գործ և նշանակվել են մի շարք փորձաքննություններ, այդ թվում՝ դիակի դատաբժշկական և ձեռագրաբանական:
Դատաբժշկի նախնական եզրակացության համաձայն՝ դիակի վրա բռնության հետքեր չեն հայտնաբերվել: -0-
