Լոռիում Mitsubishi–ին բախվել է ծառերին և կողաշրջվել. վարորդը հիվանդանոցում է

ԵՐԵՎԱՆ, 29 նոյեմբերի. /Նովոստի–Արմենիա/. Այսօր՝ նոյեմբերի 29-ին, խոշոր ավտովթար է տեղի ունեցել Լոռու մարզում։

Ժամը 13։00-ի սահմաններում Լոռու մարզի Մեծավան գյուղի բնակիչ, 51-ամյա Արա Պողոսյանը Մեծավան-Տաշիր ավտոճանապարհի 4-րդ կմ հատվածում իր վարած Mitsubishi մակնիշի ավտոմեքենայով դուրս է եկել ճանապարհի երթևեկելի գոտուց, բախվել մի քանի ծառերի և կողաշրջվել։

Shamshyan.com–ի հաղորդմամբ, վթարի հետևանքով վարորդը մարմնական վնասվածքներով տեղափոխվել է «Տաշիր» բժշկական կենտրոն։

Կայքի հաղորդմամբ, վթարի հիմնական պատճառը ճանապարհի մերկասառույցն է։ Ընդ որում, մեքենան եղել է ձմեռային անվադողերով։

Փաստի առթիվ նյութեր են նախապատրաստվում։–0–