Խարբերդի տներից մեկում հայտնաբերվել են երկու տղամարդկանց դիակներ

ԵՐԵՎԱՆ, 5 նոյեմբերի. /Նովոստի–Արմենիա/. Այսօր՝ նոյեմբերի 5-ին, ողբերգական դեպք է տեղի ունեցել Խարբերդում։

Shamshyan.com–ի հաղորդմամբ, ժամը 16։20-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Խարբերդի թիվ 21 փողոցի 10-րդ տանը 2 տղամարդու դի կա։

Ոստիկաններն ու քննիչները նշված տանը հայտնաբերել են 60-ից 65, և 55-ից 60 տարեկան տղամարդկանց դիեր։

Կայքի հաղորդմամբ, դատաբժիշկների նախնական եզրակացության համաձայն, դիակների վրա բռնության հետքեր չկան։

Կան կասկածներ, որ նրանք ծխախեղդ են եղել։ Շենգավիթի քննչական բաժնի պետի կարգադրությամբ ստեղծվել է քննչական խումբ, և խմբի անդամ քննիչների կողմից նշանակվել է մի շարք փորձաքննություններ, այդ թվում` դիակի դատաբժշկական փորձաքննություն։

Կայքի տեղեկություններով, մահացածները ընկերներ են եղել և հակում են ունեցել խմիչքի նկատմամբ։

Մահացածներից մեկը մահճակալին է եղել, իսկ մյուսը՝ հատակին։

Կայքի տեղեկություններով, ոստիկաններն ու քննիչները պարզել են, որ մահացածներն են 57-ամյա Ստեփան Անտոնյանը և 64-ամյա Ռուբեն Մանուկյանը։–0–