Ռուսաստանն օգոստոսի 1-ից վերականգնում է միջազգային չվերթերը. Միշուստին
ԵՐԵՎԱՆ, 24 հուլիսի./Նովոստի-Արմենիա/. Ռուսաստանն օգոստոսի 1-ից վերականգնում է միջազգային ավիահաղորդակցությունը, հաղորդում էՏԱՍՍ-ը՝ հղում անելով ՌԴ կառավարության ղեկավար Միխայիլ Միշուստինին:
«Որոշում է ընդունվել միջազգային ավիահաղորդակցության վերականագնման վերաբերյալ, ընդ որում մենք առաջնորդվում ենք համաճարակային իրավիճակով, հիվանդացության ցուցանիշներով, փոխադարձության սկզբունքներով»,- հայտնել է կառավարության ղեկավարը ուրբաթ օրը նախարարների կաբինետի նիստի ընթացքում:
Նա մանրամասնել է, որ օգոստոսի 1-ից չվերթեր են իրականացվելու Մոսկվայից, Մոսկովյան մարզից, Սանկտ Պետերբուրգից և Դոնի Ռոստովից:
Վարչապետը նշել է, որ «այս որոշումը նույնպես թույլ կտա խթանել արտերկրից ՌԴ քաղաքացիների վերադարձը»:
Ռուսաստանը, ելնելով կորոնավիրուսի տարածման հետևանքով ստեղծված իրավիճակից, մարտի 27-ին լիովին դադարեցրել էր կանոնավոր և չարթերային միջազգային ավիահաղորդակցությունը, ավիափոխադրողները կարող էին իրականացնել չվերթեր միայն ուղևորների՝ հայրենիք վերադարձի համար: -0-
