ԵՐԵՎԱՆ, 13 հուլիսի./Նովոստի-Արմենիա/. ՌԴ ԱԳՆ-ն լուրջ մտահոգություն է հայտնել հայ-ադրբեջանական սահմանին ս.թ. հուլիսի 12-ին իրավիճակի կտրուկ սրացման կապակցությամբ: Ըստ ստացված տեղեկությաններին, ռազմական գործողությունները շարունակվում են: Օգտագործվում է հրետանի, կան զոհեր և վիրավորներ: Այս մասին հայտնում է ՌԴ ԱԳՆ մամուլի ծառայությունը:
Загружается новость ... "Лево"
«Ցավակցություն ենք հայտնում մահացածների հարազատներին և մտերիմներին: Անընդունելի ենք համարում տարածաշրջանի անվտանգությանը սպառնացող հետագա սրացումը: Կոչ ենք անում հակամարտ կողմերին զսպվածություն ցուցաբերել և խստորեն պահպանել հրադադարի ռեժիմը: Իր կողմից ՌԴ ԱԳՆ-ն պատրաստ է անհրաժեշտ աջակցություն ցուցաբերել իրավիճակի կայունացման համար»,- նշվում է գերատեսչության հաղորդագրության մեջ:
Հայ-ադրբեջանական սահմանում իրավիճակի սրման մասին
ՀՀ ՊՆ-ի հաղորդմամբ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո ադրբեջանական զինծառայողները, թողնելով ՈՒԱԶ ավտոմեքենան, վերադարձել են իրենց դիրք:
Ավելի ուշ, Ժամը 13:45-ին Ադրբեջանի ԶՈՒ զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և, կորուստներ կրելով, հետ շպրտվել:
Երեկոյան ադրբեջանական կողմը վերսկսել է հրետակոծել նույն դիրքի ուղղությամբ 82 մմ ականանետից և տանկից: Կրակոցները պարբերաբար տարբեր ինտենսիվությամբ շարունակվել են ամբողջ գիշերվա ընթացքում
Հակառակորդի բոլոր փորձերը թիրախավորվել են հայկական զինված ուժերի ստորաբաժանումների կողմից և չեզոքացվել:
Հուլիսի 13-ի առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ ՀՀ ԶՈՒ ստորաբաժանումների կողմից տրվել է համարժեք պատասխան:
Հայկական կողմից կորուստներ չկան: ՊՆ խոսնակի հաղորդմամբ, այսօր թեթև մարմնական վնասվածներ են ստացել սահմանին մարտական ծառայություն իրականացնող երկու ոստիկան: -0-
