Լավրովն ու Չավուշօղլուն պայմանավորվել են համագործակցել Անդրկովկասի կայունացման համար

ԵՐԵՎԱՆ, 24 հուլիսի․ /Նովոստի-Արմենիա/․ Հինգշաբթի Ռուսաստանի և Թուրքիայի արտգործնախարարներ Սերգեյ Լավրովը և Մևլութ Չավուշօղլուն հեռախոսով կարծիքներ են փոխանակել Անդրկովկասում տիրող իրավիճակի վերաբերյալ:

Մամուլի հաղորդագրության համաձայն, պայմանավորվածություն է ձեռք բերվել զարգացնել համագործակցությունը Մոսկվայի և Անկարայի միջև՝ տարածաշրջանի կայունացման շահերից ելնելով:

Հինգշաբթի Հայաստանի վարչապետ Նիկոլ Փաշինյանը նշել է, որ Թուրքիան միակ երկիրն է, որը հրահրում էր հայ-ադրբեջանական սահմանին առավել մեծ բռնությունը: Այս կապակցությամբ նա հայտարարել է, որ անհրաժեշտ է վերանայել Հայաստանի արտաքին քաղաքականությունը՝ Թուրքիայի ագրեսիվ պահվածքի պատճառով:-0-