Հայ գործարարի հյուրանոցը հայտնվել է Forbes Travel Guide-ի 10 լավագույն հյուրանոցների ցանկում

ԵՐԵՎԱՆ, 14 փետրվարի. /Նովոստի-Արմենիա/. Forbes- ը հրապարակել է աշխարհի լավագույն հյուրանոցների, ռեստորանների և սպա-սրահների Forbes Travel Guide 2020  ամենամյա ուղեցույցը: Այս տարի, առաջին անգամ, ընդգրկվել են 10 ռուսական հյուրանոցներ, այդ թվում՝ հայ գործարար Մուրադ Սարգսյանին պատկանող Ararat Park Hyatt Moscow հյուրանոցը:

«Հյուրանոցը նկարագրելիս ուղեցույցը առանձին նշում է ապակե ատրիումը և հյուրանոցից դեպի Կարմիր հրապարակ բացվող տեսարանը, բարում գտնվող սեփական բուսաբանական այգին, որտեղ կոկտեյլների համար կանաչի են աճեցնում, ինչպես նաև հսկայական սպա կենտրոն՝ լողավազանով և պանորամային վերելակներով, որոնք նախատեսված են The Eiffel Company-ի կողմից՝ հենց այն ընկերության, որ կառուցել է Էյֆելյան աշտարակը», - նշվում է հյուրանոցի նկարագրության մեջ: 

Այս տարի ուղեցույցում ավելացել է ևս 16 երկիր, և Ռուսաստանի հետ միասին, առաջին անգամ դրանում հայտնվել են Անտիգուայի, Բահամների, Կամբոջայի, Եգիպտոսի, Ֆիջիի, Ֆրանսիական Պոլինեզիայի, Հնդկաստանի, Հորդանանի, Մալդիվների, Մավրիկիոսի, Նոր Զելանդիայի, Սաուդյան Արաբիայի, Շոտլանդիայի, Սեյշելների և Հարավաֆրիկյան հանրապետության հյուրանոցներ:. Ընդհանուր առմամբ 107 նոր հինգաստղանի հյուրանոց:

Բոլոր հյուրանոցները գնահատվել են 900 օբյեկտիվ պարամետրերով: Ուղեցույցի բազմաթիվ փորձագետներ անանուն ճանապարհորդում են աշխարհի հյուրանոցներով, առնվազն երկու օր մնում են յուրաքանչյուր սենյակում որպես սովորական հյուր և արձանագրում են այն ամենը, ինչը կարելի է գնահատել, նույնիսկ այնպիսի մանրուքներ, ինչպիսիք են մտնելիս հյուրերին դիմավորելու արագությունը (անհրաժեշտ է հասցնել դիմավորել 30 վայրկյանում), աշխատակազմի համազգեստի կարի որակը և սենյակների մաքրման ընթացքում հյուրերի անձնական իրերի հանդեպ նրբության աստիճանը:-0-