ՌԴ ՊՆ-ն հերքել է Փաշինյանի հայտարարությունը Ղարաբաղում ռուս խաղաղապահների շրջափակման մեջ հայտնվելու մասին

ԵՐԵՎԱՆ, 16 դեկտեմբերի./Նովոստի-Արմենիա/. ՌԴ Պաշտպանության նախարարությունը հերքել է Լեռնային Ղարաբաղում ռուս խաղաղապահների ստորաբաժանումների շրջափակման մեջ հայտնվելու լուրերը, հաղորդում է ՏԱՍՍ-ը:

Ավելի վաղ, ՀՀ վարչապետ Նիկոլ Փաշինյանը, խոսելով Արցախի Հին Թաղեր և Խծաբերդ գյուերում ստեղծված դրության մասին, հայտնել է, որ շրջափակման մեջ են հայտնվել ոչ միայն հայ զինծառայողներ, այլև իր ունեցած տեղեկություններով, ռուս խաղաղապահներ: -0-

Նոր ռազմագերիների մասին

Դեկտեմբերի 15-ին սոցցանցերում և ԶԼՄ-ներում հայտնվում են ադրբեջանցիների կողմից տարածվող տեսանյութեր, որտեղ հաղորդվում է 100 հայ զինծառայողի գերեվարման մասին:

Դեկտեմբերի 16-ին Արցախի ՊՆ-ն հայտնում է, որ երեկ երեկոյան, դեռևս անհայտ պայմաններում, կորել է կապը Հադրութի Հին Թաղեր և Խծաբերդ գյուղերի ուղղությամբ տեղակայված ԱՀ ՊԲ մի քանի մարտական դիրքերի անձնակազմի հետ։
Նույն օրը Արցախ օմբուդսմեն Արտակ Բեգլարյանը հայտնում է, որ նախնական տվյալների՝ Խծաբերդ գյուղի ուղղությամբ այս օրերին անհետ կորել է մոտ 60 զինծառայողից բաղկացած մի ստորաբաժանում: Նրա խոսքով, բարձր հավանականությունը, որ ադրբեջանական կողմի հրապարակած տեսանյութում երևացողները հենց նրանք են:

Ավելի ուշ, Արցախի նախագահ Արայիկ Հարությունյանը հայտնել է, որ Խծաբերդի ուղղությամբ մեր մի քանի տասնյակ զինծառայողներ գերի են ընկել ադրբեջանական կողմին, և այժմ պաշտպանության նախարարությունը պարզում է բոլոր հանգամանքները: -0-