Մահացել է Սիլվիո Բեռլուսկոնին

ԵՐԵՎԱՆ, 12 հունիսի./Նովոստի–Արմենիա/. Իտալիայի նախկին վարչապետ և «Forza Italia» (Առա′ջ, Իտալիա) կուսակցության հիմնադիր Սիլվիո Բեռլուսկոնին մահացել է Միլանի Սան Ռաֆֆայել հիվանդանոցում 87 տարեկան հասակում, հայտնում է ՌԲԿ–ն` հղում անելով Corriere della Sera-ին։

Բեռլուսկոնին կրկին հոսպիտալացվել էր հունիսի 9-ին՝ հիվանդանոցից դուրս գալուց երեք շաբաթ անց։ Մինչ այդ նա Սան Ռաֆֆայելում էր 45 օր՝ ապրիլի սկզբից մինչև մայիսի վերջ։ Բժիշկները նրա մոտ ախտորոշ էին լեյկոզ, ինչի ֆոնին թոքաբորբ էր զարգացել։ Նա սկսել էր քիմիաթերապիայի կուրս։

ANSA-ն, վկայակոչելով քաղաքական գործչին մոտ կանգնած աղբյուրները, հայտնում էր, որ Բեռլուսկոնիի մոտ ախտորոշված հիվանդության տեսակը բուժելի է և բուժվում է նվազագույն ինվազիվ մեթոդներով։ Գործակալության զրուցակիցները նաև նշել էին, որ Բեռլուսկոնին լավ է արձագանքում քիմիաթերապիային և հակաբիոտիկային բուժմանը, որոնք նշանակվել են թոքաբորբի պատճառով։ Ապրիլի սկզբին Il Giornale-ի հետ զրույցում Բեռլուսկոնին ասել էր, որ իր համար դժվար էր, բայց «այս անգամ էլ» կհաղթահարի։

Բեռլուսկոնին Forza Italia կուսակցության հիմնադիրն է, նա չորս անգամ դարձել է վարչապետ՝ 1994, 2001, 2005 և 2008 թվականներին, 2011 թվականին նա հրաժարական է տվել մի շարք սկանդալներից և քրեական հետապնդումից հետո։ 2019 թվականին քաղաքական գործիչն ընտրվել է Եվրախորհրդարանի պատգամավոր Իտալիայից։ Նախորդ սեպտեմբերին նա հաղթել էր Սենատի ընտրություններում` առաջադրդվելով Մոնցա ընտրատարածքից։–0–