Իտալիայում վերսկսվել է 1 եվրոյով տների վաճառքը (ՖՈՏՈ)

ԵՐԵՎԱՆ, 15 հունիսի./Նովոստի–Արմենիա/. Իտալիայում վերսկսվել է 1 եվրոյով տների վաճառքը, գրում է korrespondent.net–ը` հղում անելով CNN travel–ին։

«Անվճար» տների համակարգին առաջին վերադարձել է Կալաբրիա շրջանում գտնվող Չինկուեֆրոնդի համայնքը։

Տեղական իշխանությունները նշում են, որ Չինկուեֆրոնդիում չի գրանցվել կորոնավիրուսի ոչ մի դեպք։ Բացի այդ, այս շրջանը համարվում է ամենաանվտանգը վարակի տարածման տեսանկյունից։

View this post on Instagram

A post shared by Infobae América (@infobaeamerica) on Jun 14, 2020 at 2:22pm PDT

Չինկուեֆրոնդիի քաղաքապետը հույս ունի, որ դրական համաճարակաբանական վիճակը կօգնի գրավել նոր բնակիչների։

Նրա խոսքով, համայնքում ժողովրդագրության հետ կապված իրավիճակն այնքան լուրջ է, որ դրա փրկության ծրագիրն անվանել են օպերացիա «Գեղեցկություն»։ Երիտասարդներն, աշխատանք փնտրելու նպատակով, հեռանում են համայնքից։

View this post on Instagram

A post shared by ABC Digital (@abcdigital) on Jun 14, 2020 at 1:41pm PDT

Գնորդից միայն պահանջվում է վերականգնել գնված շենքը երեք տարում։ Եթե մյուս շրջաններում պահանջում են 5000 եվրոյի երաշխիք, ապա Չինկուեֆրոնդիում պետք է վճարել 250 եվրոյի չափով միանվագ վճար վերականգնման աշխատանքների ընթացքում։

 Եթե երեք տարում նոր գնորդը չի ավարտում վերանորոգումը, ապա նա տուգանվում է 20 հազար եվրոյով։–0–

View this post on Instagram

A post shared by Travelara (@travelarapics) on Jun 14, 2020 at 7:18am PDT