ԵՐԵՎԱՆ, 26 հոկտեմբերի․/Նովոստի-Արմենիա/․ Ամերիկյան դերասան Մել Գիբսոնն անհանգստացած է արցախյան պատերազմով և աղոթում է ինչպես ողջ հայ ժողովրդի, այնպես էլ ընդհանուր առմամբ, հակամարտության խաղաղ լուծման համար։ RTVI-ը հրապարակել է նրա տեսաուղերձը՝ Լեռնային Ղարաբաղում հակամարտության վերաբերյալ։
Загружается новость ... "Лево"
«Բարև։ Ես Մել Գիբսոնն եմ։ Խորը թախիծով տեղեկացա հայկական Արցախում հակամարտության վերջին սրման մասին։ Ես շատ հայ ընկերներ ունեմ այստեղ՝ Ամերիկայի Միացյալ Նահանգներում, և նրանք պատմում են իրենց տառապանքների, հարազատներին կորցնելու մասին։ Ես շատ եմ հարգում հայ ժողովրդին՝ տոկուն և մեծահոգի ժողովուրդ»,- նշել է Գիբսոնը։
Նրա խոսքով, պատմությունը ցույց է տալիս, որ հայ ժողովուրդը բախվել է բազում դժվարությունների։
«Որպես ազգ և ժողովուրդ, ես գիտեմ, որ դուք գիտեք՝ թե ով է Աստված, և որ Նրա հնարավորություններն անսահման են։ Ես աղոթում եմ ձեզ համար այս դժվար ժամանակներում։ Եվ նույնպես աղոթում եմ, որ խաղաղ լուծում ձեռք բերվի։ Եվ որպեսզի մեծ գերտերությունները միջամտեն և ճանաչեն ստեղծված դրությունը։ Ես հույս ունեմ, որ դուք կհասնեք խաղաղության։ Ընկերներ, մնացեք ուժեղ, շարունակեք կատարել ձեր գործը, Աստված օրհնի ձեզ»,- հայտնել է դերասանը։ -0-