ՎԶԵԲ տարեկան ժողովը կանցկացվի Երևանում
04.02.2020,
10:44
ՎԶԵԲ տարեկան ժողովը կանցկացվի Երևանում
ԵՐԵՎԱՆ, 4 փետրվարի./Նովոստի–Արմենիա/. Երևանն ընտրվել է ՎԶԵԲ 2021թ․–ի տարեկան ժողովի անցկացման վայր։ Այս մասին այսօր ՀՀ փոխվարչապետ Տիգրան Ավինյանը հայտնել է իր Facebook–յան էջում։
«Ցանկանում եմ բոլորիս աշխատանքային օրը սկսել մի շատ լավ լուրով։ Քիչ առաջ ստացել ենք Վերակառուցման ու զարգացման եվրոպական բանկի (ՎԶԵԲ) Կառավարիչների խորհրդի որոշումը: Ուրախ եմ ձեզ տեղեկացնել, որ Երևանն ընտրվել է ՎԶԵԲ 2021թ․ տարեկան ժողովի անցկացման վայր»,– նշել է փոխվարչապետը։
Նա ընդգծել է, որ տարեկան ժողովը Բանկի կարևորագույն միջոցառումն է:
«Այսինքն 2021թ․ գարնանը Հայաստանը լինելու է ՎԶԵԲ 69 անդամ երկրների, ինչպես նաև այլ հյուրերի ուշադրության կենտրոնում»,– ասել է Ավինյանը։
Փոխվարչապետի գնահատմամբ, սա կարևոր ձեռքբերում է, թե՛ քաղաքական, թե՛ տնտեսական ոլորտներում։ Ավինյանն այդ թվում նշել է, որ սա Հայաստանի գրանցած առաջընթացին տրված արժանի գնահատական և ընդգծել. «Հենց այս պահից սկսում ենք աշխատել միջոցառումը ամենաբարձր մակարդակով անցկացնելու համար»։ –0–
«Ցանկանում եմ բոլորիս աշխատանքային օրը սկսել մի շատ լավ լուրով։ Քիչ առաջ ստացել ենք Վերակառուցման ու զարգացման եվրոպական բանկի (ՎԶԵԲ) Կառավարիչների խորհրդի որոշումը: Ուրախ եմ ձեզ տեղեկացնել, որ Երևանն ընտրվել է ՎԶԵԲ 2021թ․ տարեկան ժողովի անցկացման վայր»,– նշել է փոխվարչապետը։
Նա ընդգծել է, որ տարեկան ժողովը Բանկի կարևորագույն միջոցառումն է:
«Այսինքն 2021թ․ գարնանը Հայաստանը լինելու է ՎԶԵԲ 69 անդամ երկրների, ինչպես նաև այլ հյուրերի ուշադրության կենտրոնում»,– ասել է Ավինյանը։
Փոխվարչապետի գնահատմամբ, սա կարևոր ձեռքբերում է, թե՛ քաղաքական, թե՛ տնտեսական ոլորտներում։ Ավինյանն այդ թվում նշել է, որ սա Հայաստանի գրանցած առաջընթացին տրված արժանի գնահատական և ընդգծել. «Հենց այս պահից սկսում ենք աշխատել միջոցառումը ամենաբարձր մակարդակով անցկացնելու համար»։ –0–
Պատճենել հղումը
