ԵՐԵՎԱՆ, 30 դեկտեմբերի./Նովոստի-Արմենիա/. Կառավարությունը հինգշաբթի կարող է վերջնական որոշում ընդունել թուրքական ապրանքների արգելքի երկարաձգման կամ չեղարկման մասին: Այս մասին նախօրեին հայտարարել է էկոնոմիկայի նախարար Վահան Քերոբյանն ասուլիսի ժամանակ:
Նա հիշեցրել է, որ թուրքական ապրանքների արգելքի որոշումն ընդունվել է 2020թ.-ի հոկտեմբերի 20-ին՝ ելնելով քաղաքական պատճառներից, երբ Արցախում պատերազմ էր. Նա նշելէ, որ արգելքի չեղարկման որոշումը ևս պայմանավորված է լինելու քաղաքականությամբ:
«Քաղաքական տեսակետից գործընթացներն ընթանում են դրական սցենարով: Այս տեսակետից արգել քի երկարաձգման հիմնավորումը թուլանում է», - նշել է նա:
Միաժամանակ նախարարը հիշեցրել է, թե ինչ փոփոխություններ են տեղի ունեցել վերջին տարվա ընթացքում ինչպես Հայաստանի ներսում, այնպես էլ Թուրքիայում: Նրա խոսքով, թուրքական լիրը զգալիորեն արժեզրկվել է, ինչի պատճառով թուրքական ապրանքները զգալիորեն էժանացել են, ինչը ավելացրել է ռիսկերը հայ արտադրողների համար:
«Կառավարությունում չկա միասնական կարծիք, բայց քանի որ բանակցային գործընթացում ներգրավված մարդիկ ավելի լավ են տիրապետում ընդհանուր պատկերին, վերջնական որոշումը կընդունվի վաղը խորհրդակցությունների արդյունքում: Մենք կունենանք որոշում, որը կարող է լինել նաև որոշման բացակայության տեսքով, այսինքն՝ արգելքը հանելու տեսքով», - հայտարարել է նա:
Քերոբյանը տեղեկացրել է, որ տարվա ընթացքում նախարարությունն ուսումնասիրել է այդ արգելքի ազդեցությունը Հայաստանի տնտեսության վրա և արձանագրել է ինչպես շատ դրական, այնպես էլ չափազանց բացասական ազդեցություն: Բացասական ազդեցությունների թվում նա նշել է արգելքի ազդեցությունը գնաճի վրա:
«Կախված նրանից, թե ինչ որոշում կընդունվի, մենք կհասկանանք, թե ինչպես է պետք շարունակել օգնել տեղական արտադրողներին, որպեսզի Հայաստանը ներկրող երկրից դառնա արտադրող երկիր: Սա Էկոնոմիկայի նախարարության ֆիքս-գաղափարն է», - ասել է նա:
Դեկտեմբերի 16-ին Քերոբյանը հայտնել էր, որ Էկոնոմիկայի նախարարությունը շրջանառության մեջ է դրել թուրքական ապրանքների ներկրման արգելքը երկարաձգող նախագիծը:
2021թ.-ի հունվարի 1-ից շրջանառության մեջ դրված թուրքական ապրանքների ներկրման արգելքը 2021թ.-ի հունիսի 24-ին երկարաձգվեց ևս 6 ամսով՝ մինչև 2022թ.-ի հունվարի 1-ը: Այս որոշումն ընդունվել էր՝ հաշվի առնելով այն հանգամանքը, որ Թուրքիան մասնակցել և օգնել Ադրբեջանին Արցախյան 44-օրյա պատերազմի ժամանակ:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում