ԵՐԵՎԱՆ, 29 ապրիլի./Նովոստի-Արմենիա/. Երևանի «Ոսկե ծիրան» միջազգային կինոփառատոնը կկայանա նոյեմբերի 1-8-ը: Այս մասին հաղորդվում է փառատոնի Facebook-յան պաշտոնական էջում:
Загружается новость ... "Лево"
««Ոսկե ծիրանի» թիմն այս օրերի ընթացքում ձեռնպահ մնաց հապշտապ հայտարարություններ անելուց՝ կապված հուլիսի 12-19 փառատոնի անցկացման հետ, քանի որ թե ՀՀ կրթության, գիտության, մշակույթի և սպորտի նախարարության, թե իր բազմաթիվ հայաստանյան և օտարերկրյա գործընկերների, թե գործընկեր փառատոների հետ քննարկվում էին տարբեր սցենարներ՝ առցանց փառատոնից մինչև հետաձգում հաջորդ տարի»,- նշվում է հայտարարության մեջ:
Այնուամենայնիվ, բոլոր երկարատև քննարկումների արդյունքում «Ոսկե ծիրանի» թիմն այս պահին փառատոնը նպատակահարմար է համարել անցկացնել ս.թ. նոյեմբերի 1-8-ը:
«Իհարկե, այլ սցենարներ ևս առկա են, բայց այս պահին հաստատված է նոյեմբերի 1-8 ժամկետը»,- նշվում է հայտարարության մեջ:
Տարբեր տարիների ընթացքում Երևանում անցկացվող փառատոնին ներկա են եղել համաշխարհային հայտնիության դերասաններ և ռեժիսորներ, որոնց թվում են գրող և սցենարիստ Տոնինո Գուերրան, հայտնի դերասանուհի Կլաուդիա Կարդինալեն, Ֆանի Արդանը, Նաստասյա Կինսկին, Օռնելա Մուտին:
2010թ.-ին Երևանյան կինոփառատոնն արժանացել է Ficts Plate D'honneur կինոյի, հեռուստատեսությնա և սպորտի միջազգային միության գլխավոր մրցանակին: -0-
