«Վիլյամ Սարոյանի ընթերցանության մարաթոն» կանցկացվի Հայաստանում

ԵՐԵՎԱՆ, 31 մարտի. /Նովոստի-Արմենիա/. «Վիլյամ Սարոյանի ընթերցանության մարաթոնը» կանցնի Հայաստանում ապրիլի 11-ին, «Նովոստի-Արմենիա» գործակալությանը հայտնեց «Հայաստանի ամերիկյան անկյուն»-ը:

Մարաթոնը կանցկացվի Երևանի Ավ. Իսահակյանի անվան կենտրոնական գրադարանում` Ազգային գրադարանային շաբաթի շրջանակում, որը Հայաստանում կանցկացվի ապրիլի 11-17-ը:

Միջոցառումը կսկսվի ժամը 10:00-ին Սարոյանի «Մարդկային կատակերգություն» վեպի ընթերցանությունից: Թե´ հայերեն, թե´ անգլերեն լեզուներով մարաթոնին կարող են մասնակցել ինչպես գրադարանի ընթերցողները, այնպես էլ բոլոր հետաքրքրված անձինք:

Յուրաքանչյուր մասնակից կարող է բարձրաձայն կարդալ գրքից` մինչև հինգ րոպե տևողությամբ մի հատված։

Մարաթոնը կհեռարձակվի ԱՄՆ դեսպատան YouTube-ի ալիքով: Գյումրիի, Վանաձորի, Չարենցավանի և Կապանի ամերիկյան անկյունները կմիանան մարաթոնին տեսակապով։ -0-