«Ուկրաինայում հայկական կինոյի օրեր» կանցկացվեն Կիևում

ԵՐԵՎԱՆ, 6 ապրիլի. /Նովոստի-Արմենիա/. «Ուկրաինայում հայկական կինոյի օրեր» կանցկացվեն ապրիլի 18-20-ը Կիևի «Ժովտեն» կինոթատրոնում, հաղորդում է Analitika.at.ua կայքը:

Փառատոնի շրջանակներում հայտնի հայ ռեժիսորները կներկայացնեն իրենց աշխատանքները Կիևի հանդիսատեսին:

Հայկական կինոյի փառատոնը կանցնի հայտնի ռեժիսոր Ռոման Բալայանի, Ուկրաինայում ՀՀ դեսպանատան հովանու ներքո:

Փառատոնը կտևի երեք օր: Բացման օրը կկազմակերպվի մամուլի ասուլիս՝ կինոռեժիսորների, դեսպանատան ներկայացուցիչների մասնակցությամբ:

Փառատոնի շրջանակներում կներկայացվեն հայ կինոռեժիսորների տասը ֆիլմեր, Տիգրան Խզմալյանն ու Կարեն Գրիգորյանը վարպետության դասեր կկազմակերպեն Կիևի բուհերի ուսանողների համար:

Կինոթատրոնի շենքում կկազմակերպվի Կարեն Գրիգորյանի աշխատանքների լուսանկարչական ցուցահանդեսը:

«Ուկրաինայում հայկական կինոյի օրեր» կինոփառատոն է կազմակերպվել Ուկրաինայում 2007 թ.-ի ապրիլի 19-24-ը:

Փառատոնի շրջանակներում ցուցադրվել են հայկական ռեժիսորների գեղարվեստական, վավերագրական, անիմացիոն, կարժամետրաժ ֆիլմեր:

Մասնավորապես՝ Ռոման Բալայանի «Գիշերը լուսավոր է», Ատոմ Էգոյանի (Կանադա) «Արարատ», Ռոբերտ Քեշիշյանի (Ֆրանսիա) «Արամ», Սերժ Ավետիքյանի (Ֆրանսիա) «Վերադարձ», ինչպես նաև Արման Երիցյանի «Ողջույն, Ֆելինի», Ռոբերտ Սահակյանցի «Պանդոկը» և «Անանաս Բանանաս», Նիկի Շերի «Այնտեղ ես աշխարհ տեսա», «Դաշնամուր», Գոռ Մկրտչյանի «Երազանք», Լևոն Պետրոսյանի «Գործազուրկը», Սիրական Աբրոյանի «Սառը ընթրիք» և «Գնացքի մեկնումը» ֆիլմերը: