478.29
7.18
454.86
+14
Եղանակը Երևանում
Հայ

2008թ. հոկտեմբերին Երևանում առաջին անգամ տեղի կունենա Կոմիքսների փառատոն

15:58
15 Հոկտեմբերի 2007

ԵՐԵՎԱՆ, 15 հոկտեմբերի./Նովոստի-Արմենիա/. 2008թ. առաջին հանգստյան օրերին Երևանում առաջին անգամ տեղի կունենա Կոմիքնսերի (նկարազարդ պատմությունների) փառատոն ։

Ինչպես «Նովոստի-Արմենիային» տված հարցազրույցում նշեց Չոբանյանի փարիզյան ինստիտուտի տնօրեն և Սիջեստ (Sigest) ֆրանսիական հրատարակչության տնօրեն Ժան Սիրապյանը, միջոցառման կազմակերպիչներն իրենց առջև նպատակ են դրել Հայաստան բերել պատկերավոր արվեստների այս ուղղությունը։

«Նկարազարդ պատմությունները մեծ հետաքրքրություն և ուշադրություն են վայելում աշխարհի շատ երկրներում, սակայն Հայաստանում դրանք դեռևս հայտնի չեն հասարակության լայն զանգվածներին»,- ասաց նա։

Այս կապակցությամբ Սիրապյանը նշեց, որ Հայաստանում նման միջոցառման անցկացման գաղափարն ի հայտ եկավ այն բանից հետո, երբ 2006թ. հոկտեմբերի սկզբին Սիջեստ հրատարակչությունը տպագրեց հայերեն լեզվով նկարազարդ պատմությունների առաջին ժողովածուն՝ կոմիքսների աշխարհահռչակ հերոս-պատանու Տանտանի (Tintin) մասին։

«Երևանում Կոմիքսների փառատոնի անցկացման գաղափարը արժանացավ Կոմիքսների և պատկերների ազգային կենտրոնի համընդհանուր աջակցությանը։ Այս կենտրոնն արդեն 34 տարի շարունակ ֆրանսիական Անգուլեմ քաղաքում կազմակերպում է Կոմիքսների միջազգային փառատոն»,- պարզաբանեց նա։

Սիրապյանի խոսքերով, միջոցառման կազմակերպիչները, փառատոնին պատրաստվելու շրջանակներում, մի շարք հանդիպումներ են ունեցել Հայաստանում, որոնց արդյունքները բավական հուսադրող էին։

«Հայաստանում Ֆրանսիայի դեսպան Սերժ Սմեսովը, ինչպես նաև ՀՀ մշակույթի փոխնախարար Սյուզան Խաչատրյանը մեծ հետաքրքրություն են արտահայտել այդ նախագծի նկատմամբ և պատրաստ են ցանկացած օժանդակություն տրամադրել այն իրականացնելու համար»,- ընդգծեց նա։

Միաժամանակ, Սիրապյանն ավելացրեց, որ Ֆրանսիայի դեսպանատունը պատրաստ է իր վրա վերցնել փառատոնի անցկացման համար անհրաժեշտ տարածքի և նախապատրաստական աշխատանքների պատասխանատվությունը, իսկ ՀՀ մշակույթի նախարարությունը՝ փառատոնի հյուրերի մեր երկիր ժամանման և այլ կազմակերպչական աշխատանքների համար։

«Այսօր ուսումնասիրում ենք Հայաստանի ֆրանսիական համալսարանում կամ էլ Երևանի թատրոններից մեկում, մասնավորապես՝ Կամերային թատրոնում փառատոնն անցկացնելու հնարավորությունը», - պարզաբանեց նա։

Հրատարակչության տնօրենը նաև տեղեկացրեց, որ նախատեսվում է փառատոնի մասնակիցների, Երևանի գեղարվեստի պետական ակադեմիայի նկարազարդ պատմությունների և գրաֆիկական վեպերի գծով մասնագիտացող ուսանողների  համար սեմինարներ անցկացնել կոմիքսների ոլորտում առաջատար մասնագետների մասնակցությամբ։

«Երևանի գեղարվեստի պետական ակադեմիա այցելելով՝ մենք հաճելիորեն զարմացանք, հայտնաբերելով, որ Հայաստանում կան շատ տաղանդավոր մարդիկ, ովքեր հետաքրքրվում են կոմիքսների ստեղծմամբ»,- ասաց Սիրապյանը։

Այս կապակցությամբ Հայաստանում առաջին նկարազարդ պատմությունների հեղինակ, նկարիչ Տիգրան Մանգասարյանն ասաց, որ արվեստի այս ուղղությունը որոշ աստիճանով կապող օղակ է կինոմատոգրաֆի և տպագրական գրականության միջև։

«Հայաստանում կան իրենց կոմիքսին նվիրած մարդիկ, որոնք ոգևորվել են փառատոնին մասնակցելու և դասախոսություններ լսելու հնարավորությամբ, մասնավորապես՝ Երգիծանկարիչների միության անդամները, Գեղարվեստի ակադեմիայի գրաֆիկայի ֆակուլտետի ուսանողները, մուլտիպլիկացիայի ժանրի մասնագետները, ինչպես նաև  առանձին նկարիչ-գծագրողներ»,- ասաց նա։

Մանգասարյանի խոսքերով, ենթադրվում է, որ փառատոնին մասնակցելու են մոտ 100 մարդ, որոնք կարող են անհրաժեշտ ողջ տեղեկատվությանը ծանոթանալ փառատոնի կազմակերպիչների գրասենյակում, որն իր աշխատանքը Երևանում կսկսի հաջորդ տարվա գարնանը։

Իր հերթին, Անգուլեմի փոխքաղաքապետ, Կոմիքսների և պատկերազարդումների ազգային կենտրոնի նախագահ, ինչպես նաև Ֆրանսիայում կոմիքսների միջազգային փառատոնի տնօրեն Ժան Մարդիկյանը (Jean Mardikian) նշեց, որ 2006թ. Անգուլեմի կոմիքսների փառատոնին Մանգասարյանի մասնակցությունից հետո գաղափար առաջացավ Հայաստանում ստեղծել կոմիքսների դպրոց, որը հետագայում վերափոխվեց փառատոն և մաստեր-կլասներ անցկացնելու մտահղացման։ Դա, ինչպես կարծում է Մարդիկյանը, կօգնի ի հայտ բերել այս ուղղության գծով Հայաստանում գործող նկարիչների ներուժը և մասնագետներին։

«Ուրախալի է, որ ՀՀ մշակույթի նախարարությունում գտնվեցին մարդիկ, որոնք հետաքրքրվեցին այս նախագծով և դրա իրականացմանն ամեն կերպ աջակցելու պատրաստակամություն հայտնեցին։ Մենք ցանկանում ենք Հայսատան բերել Անգուլեմի ոգին, և եթե դա մեզ հաջողվի, ապա դրանում մեծ կլինի նաև ՀՀ մշակույթի փոխնախարար Սյուզան Խաչատրյանի վաստակը»,- ընդգծեց նա։

Ֆրանսիացի լրագրող Լորան Մելիքյանի (Laurent Melikian) խոսքերով, երկրորդ անգամ Հայաստան գալով, նա նկատեց, որ հասարակության մոտ մեծացել է հետաքրքրությունը կոմիքսների նկատմամբ։

«Եթե նախկինում Հայաստանում ոչ մեկը  չէր հետաքրքրվում նկարազարդ պատմություններով, ապա հիմա իրավիճակը փոխվել է։ Ես շատ լավատեսորեն եմ տրամադրված ոչ միայն փառատոնի կազմակերպման տեսանկյունից, այլև Հայաստանում կոմիքսների ապագայի նկատմամբ»,- ասաց Մելիքյանը։

Կոմիքսների փառատոնի  կազմակերպիչներն են Չոբանյանի ինստիտուտը՝ Կովկասի, Թուրքիայի և Մերձավոր Արևելքի հիմնախնդիրների ուսումնասիրման անկախ գիտական ռազմավարական կենտրոնը և Ֆրանսիայի կոմիքսների և պատկերների ազգային կենտրոնը՝ Ֆրանսիայի և Հայաստանի ԱԳ նախարարությունների, ինչպես նաև ՀՀ մշակույթի նախարարության և Հայաստանում Ֆրանսիայի դեսպանատան աջակցությամբ։

Կոմիքսների 35-րդ միջազգային փառատոնը ավանդաբար տեղի կունենա Անգուլում 2008թ. հունվարի վերջին շաբաթ-կիրակի օրերին։

Նկարազարդ պատմություններ ստեղծելու պատկերավոր արվեստների ուղղությունը լայնորեն տարածված է ամբողջ աշխարհում։ Մասնավորապես՝ իրենց մասնագիտական կարերան կոմիքնսերին (կոմիքսների ֆրանսիական անվանումն է band desine) են նվիրել Ֆրանսիայի, ԱՄՆ-ի  (graphic novel), Իտալիայի (fumetti), Իսպանիայի (tebeos), Պորտուգալիայի (quadringo), Ֆինլանդիայի (sarjakuva), ինչպես նաև Ճապոնիայի (manga), Կորեայի (manwha) և Չինաստանի (manhua) բազմաթիվ նկարիչներ։ --0—

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:41
17 Մայիսի 2022
«Թանգարանների ուժը». Հայաստանը միանում է «Թանգարանների գիշեր» համաեվրոպական միջոցառմանը, հրապարակվել է տոնական միջոցառումների ցանկը
«Թանգարանների ուժը». Հայաստանը միանում է «Թանգարանների գիշեր» համաեվրոպական միջոցառմանը, հրապարակվել է տոնական միջոցառումների ցանկը
12:11
16 Մայիսի 2022
Ադրբեջանի և ևս 5 երկրների ազգային ժյուրիները հեռացվել են «Եվրատեսիլ 2022»–ից
Ադրբեջանի և ևս 5 երկրների ազգային ժյուրիները հեռացվել են «Եվրատեսիլ 2022»–ից
03:21
15 Մայիսի 2022
«Եվրատեսիլ 2022»-ում հաղթող հռչակվեց Ուկրաինան (ՎԻԴԵՈ)
«Եվրատեսիլ 2022»-ում հաղթող հռչակվեց Ուկրաինան. ՎԻԴԵՈ
03:14
15 Մայիսի 2022
«Եվրատեսիլ 2022»-ում Հայաստանը ներկայացնող Ռոզա Լին զբաղեցրեց 20-րդ տեղը (ՎԻԴԵՈ)
«Եվրատեսիլ 2022»-ում Հայաստանը ներկայացնող Ռոզա Լին զբաղեցրեց 20-րդ տեղը. ՎԻԴԵՈ
23:56
14 Մայիսի 2022
Ռոզա Լին փայլուն ելույթ ունեցավ «Եվրատեսիլ 2022»–ի եզրափակչում (ՎԻԴԵՈ)
Հայաստանը «Եվրատեսիլ 2022»–ում ներկայացնող Ռոզա Լին փայլուն ելույթ ունեցավ «Եվրատեսիլ 2022» երգի միջազգային մրցույթում. ՎԻԴԵՈ
10:51
11 Մայիսի 2022
Ռոզա Լինի փայլուն ելույթը «Եվրատեսիլ 2022»–ի կիսաեզրափակչում, ի դեպ Հայաստանն անցել է եզրափակիչ (ՎԻԴԵՈ)
Ռոզա Լինի փայլուն ելույթը «Եվրատեսիլ 2022»–ի կիսաեզրափակչում, ի դեպ Հայաստանն անցել է եզրափակիչ. ՎԻԴԵՈ
14:26
10 Մայիսի 2022
Հայազգի Լարի Գագոսյանը ձեռք է բերել 20–րդ դարի արվեստի ամենաթանկ ստեղծագործությունը (ՎԻԴԵՈ)
Հայազգի Լարի Գագոսյանը ձեռք է բերել 20–րդ դարի արվեստի ամենաթանկ ստեղծագործությունը. ՎԻԴԵՈ
22:15
08 Մայիսի 2022
«Իմ Շուշի». Անդրեն արցախյան բարբառով նոր երգ ու տեսահոլովակ է ներկայացրել (ՎԻԴԵՈ)
«Իմ Շուշի». Անդրեն արցախյան բարբառով նոր երգ ու տեսահոլովակ է ներկայացրել. ՎԻԴԵՈ
12:28
04 Մայիսի 2022
Ha Nina. տեղի է ունեցել Աբրահամ Ռուսսոյի ու Արման Հովհաննիսյանի տեսահոլովակի պրեմիերան (ՎԻԴԵՈ)
Արման Հովհաննիսյանն ու Աբրահամ Ռուսսոն նոր զուգերգ են ներկայացրել. ՎԻԴԵՈ
23:25
03 Մայիսի 2022
«Պատրաստվում ենք լավ ժամանակ անցկացնել».50 Cent-ն անդրադարձել է իր երևանյան համերգին (ՖՈՏՈ)
«Պատրաստվում ենք լավ ժամանակ անցկացնել».50 Cent-ն անդրադարձել է իր երևանյան համերգին. ՖՈՏՈ
13:11
02 Մայիսի 2022
ԳեոՊրոՄայնինգը հովանավորել է ականավոր ջազմեն Գարի Կեսայանի համերգը (ՖՈՏՈ)
Ապրիլի 30-ին ԳեոՊրոՄայնինգ ընկերությունների խմբի աջակցությամբ Երևանի Արամ Խաչատրյան համերգասրահում տեղի ունեցավ ականավոր ջազմեն Գարի Կեսայանի համերգը. ՖՈՏՈ
10:15
01 Մայիսի 2022
50 Cent-ն ու ZAZ-ը ելույթ կունենան Երևանում
Աշխարհահռչակ ռեփեր 50 Cent-ն ու ֆրանսիացի երգչուհի ZAZ-ը ելույթ կունենան Երևանում