Արտյոմ Սեյրանյանը «Ձայնը. երեխաներ-4»–ի ամենավառ կատարողների տասնյակում է (ՏԵՍԱՆՅՈՒԹ)

ԵՐԵՎԱՆ, 30 մարտի. /Նովոստի-Արմենիա/. 13-ամյա Արտյոմ Սեյրանյանի կատարմամբ ռոք-հիթը ներառվել է ռուսական Առաջին ալիքով հեռարձակվող «Ձայնը. երեխաներ-4» շոուի կույր լսումների ամենավառ և ճանաչված կատարումների տասնյակում, նշվում է Առաջին ալիքի պաշտոնական կայքում:

Արտյոմը ապշեցրել է մրցույթի ժյուրիին AC/DC խմբի «Highway To Hell» երգի կատարմամբ և շարունակում է մասնակցել մրցույթին Դիմա Բիլանի թիմի կազմում:

Ելույթից հետո շոուի հաղորդավար Դմիտրի Նագիևը տղային անվանել է «Նախագծի աստղ»:

Արտյոմից բացի լավագույն տասնյակում ներառվել են նաև Ալինա Սանսիզբայը, Յուլիաննա Բերեգոյը, Սնեժանա Շինը, Դենիզա Խեկիլաևան, Ստեֆանիա Սոկոլովան, Ալիսա Գոլոմիսովան, Ելիզավետա Կաչուրակը, Իլյա Լազարևը, Ալեքսանդր Դուդկոն և Այ-Կիս Կիռգիսը: -0-