Ռեկորդային ցատկ. Youtube–ում Srbuk–ի եվրատեսիլյան երգի տեսանյութի դիտումները հասել են գրեթե 3 մլն–ի (ՎԻԴԵՈ)
10:19
18 Մարտի 2019
ԵՐԵՎԱՆ, 18 մարտի./Նովոստի–Արմենիա/. Srbuk–ի (Սրբուհի Սարգսյան) եվրատեսիլյան երգի տեսանյութը Youtube–ում մեկ շաբաթում արդեն հավաքել է ավելի քան 2,95 մլն դիտում։
Ինչպես գրել է երգչուհին Facebook–յան իր էջում, նա ու իր եվրատեսիլյան թիմը մեծ անհամբերությամբ սպասում էին Youtube-ում 1.000.000 դիտելիության ցուցանիշին։
«Ու աննկարագրելի էր մեր ուրախությունը, երբ մեկ շաբաթից էլ քիչ ժամանակահատվածում տեսանք, թե ինչպես «Walking Out» երգը սիրվեց, տարածվեց, կտրեց մայրցամաքներ», – գրել է Սրբուկը։
Загружается новость ... "Лево"
«Կրկնակի զարմանալի էր, երբ 1.000.000 -ից հետո շուրջ մեկ ժամվա ընթացքում ցուցանիշը հասավ 2.500.000-ի և շարունակում է սրընթաց աճել», – նշել է երգչուհին` ավելացնելով, որ իրենք արդեն դիմել են «Եվրատեսիլ»-ի յութուբյան պաշտոնական ալիքին, որպեսզի հասկանաք արդյոք որևւէ խնդիր կա թաքնված արագ աճող ցուցանիշի հետևում, թե ոչ։
«Նորությունների մասին անպայման կտեղեկացնեմ։ Շնորհակալ եմ, որ իմ կողքին եք», – նշել է երգչուհին։
Նախորդ կիրակի Հայաստանի Հանրային հեռուստատեսության եթերում տեղի է ունեցել տեսանյութի և երգի պրեմիերա, որով Հայաստանը հանդես կգա «Եվրատեսիլ 2019»–ում։
Սրբուհի Սարգսյանը ելույթ կունենա «Եվրատեսիլ 2019» երգի միջազգային մրցույթի երկրորդ կիսաեզրափակչում, որը կանցկացվի մայիսի 16–ին Թել Ավիվի Ցուցահանդեսային կենտրոնում։
Առաջին կիսաեզրափակիչը կանցկացվի մայիսի 14–ին։
«Եվրատեսիլ 2019»–ի եզրափակիչը կկայանա Թել Ավիվի Ցուցահանդեսային կենտրոնում մայիսի 18–ին։ Իսրայելն այդ մրցույթն իր մոտ ընդունել է նաև 1979 և 1999 թվականներին։-0-
