ԵՐԵՎԱՆ, 26 հոկտեմբերի. /Նովոստի Արմենիա/. Աշխարհահռչակ ջազ երաժիշտ, Գրեմմիի կրկնակի մրցանակակիր Մարկուս Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։ Այդ մասին նա ասաց Երևանում լրագրողների հետ զրույցում։
Ամենամյա Yerevan Jazz Fest 2017 փառատոնը կանցկացվի Երևանում հոկտեմբերի 26–ից նոյեմբերը 3–ը։ Միլերի մասնակցությամբ համերգը տեղի կունենա հինգշաբթի Կարեն Դեմիրճյանի անվան Մարզահամերգային համալիրում։
Загружается новость ... "Лево"
«Մեկ անգամ չէ, որ հիացած կարծիքներ եմ լսել երևանյան փառատոնի մասին։ Առաջին իսկ հնարավորության դեպքում եկա մասնակցելու այդ փառատոնին», – ասաց Միլլերը։
Նա նշեց նաև, որ Հայաստան է եկել իր ստեղծագործական թիմի հետ։
Yerevan Jazz Fest 2017–ը նվիրված է Zilidjian հայտնի ապրանքանիշի հիմնադիր Ավեդիս Զիլջյանին, ով սկսել է սարքեր արտադրել հարվածային գործիքների համար։ Միլերը հայտարարել է, որ այդ ապրանքանիշը շատ հայտնի է և պահանջված աշխարհում։
«Ես երաժիշտներ գիտեմ, ովքեր հավելյալ աշխատել են Zilidjian ընկերության կողմից արտադրված գործիքներ գնելու համար», – ասաց Միլերը։
Yerevan Jazz Fest 2017 փառատոնն անցկացվում է ՀՀ վարչապետ Կարեն Կարապետյանը բարձր հովանու ներքո։
Հայաստանի ջազի ասոցիացիան երրորդ տարի անընդմեջ կազմակերպում է Yerevan Jazz Fest միջազգային փառատոնը։ Միջոցառման շրջանակում Հայաստան են այցելել երաժիշտներ ԱՄՆ–ից, Ավստրիայից, Ֆրանսիայից, Լիբիայից, Վրաստանից, Ռուսաստանից, և Մեծ Բրիտանիայից։ –0–
