Հոլիվուդյան աստղ Ջոն Մալկովիչը ելույթ կունենա Հայաստանում

ԵՐԵՎԱՆ, 21 օգոստոսի. /Նովոստի–Արմենիա/. Աշխարհահռչակ ամերիկացի դերասան, պրոդյուսեր, ռեժիսոր և սցենարիստ Ջոն Մալկովիչը ելույթ կունենա Հայաստանի պետական երիտասարդական նվագախմբի հետ։

Ինչպես «Նովոստի–Արմենիա» գործակալությանը տեղեկացրեցին միջոցառման կազմակերպիչները, Մալկովիչը ելույթ կունենա հոկտեմբերի 11–ին «Արամ Խաչատրյան» համերգասրահում։ Այսպիսով, Մալկովիչը կմասնակցի Արամ Խաչատրյանի անվան V միջազգային փառատոնի բացման հանդիսավոր արարողությանը։ Փառատոնը կտևի մինչև դեկտեմբերի 11–ը։

Ջոն Մալկովիչը երկու անգամ առաջադրվել է «Օսկարի»։ Նրա ամենահայտնի ֆիլմերից են «Վտանգավոր կապեր», «Երկնքի ամպհովանու ներքո», «Կրակի գծի վրա» ժապավենները։ 1999 թ.–ին նա նկարահանվել է «Լինելով Ջոն Մալկովիչ» աղմկահարույց ֆիլմում` մարմնավորելով իր իսկ կերպարը։–0–