Ընդդիմադիր Գեղամ Մանուկյանը Կաթողիկոսի հետ հանդիպումից հետո հայտարարել է հացադուլը դադարեցնելու մասին (ՖՈՏՈ)

ԵՐԵՎԱՆ, 1 դեկտեմբերի./Նովոստի-Արմենիա/. ՀՅԴ «Դաշնակցության» ներկայացուցիչ, հայկական ընդդիմության առաջնորդներից մեկը, «Yerkir Media» հեռուստատեսության տեղեկատվավերլուծական ծառայության տնօրեն Գեղամ Մանուկյանը Ամենայն Հայոց կաթողիկոսի հետ հանդիպումից հետո հայտարարել է հացադուլը դադարեցնելու մասին, որը վերջինս նախաձեռնել էր ՀՀ վարչապետ Նիկոլ Փաշինյանի հրաժարականի պահանջով:

Ինչպես Մանուկյանը հայտնել է իր Facebook-յան էջում, միասնական հացադուլի 9-րդ օրը, Կառավարության շենքի դիմաց հացադուլի մասնակիցներին է այցելել Ամենայն Հայոց Կաթողիկոսը։

« Նա բավականին երկար զրուցեց հետներս, հորդորեց դադարեցնել հացադուլը, քանի որ պայքարի այլ ուղիներ կան։ Եղել էին բազում նման հորդորներ անցնող օրերին, բայց շարունակել էինք մեր գործողությունները։ Վեհափառ Հայրապետին դժվար էր մերժելը։ Այսօրվանից մեր զինակից ընկերների հետ դադարեցնում ենք հացադուլը, ու շարունակում մեր պայքարը։ Նոր օր, նոր ՊԱՅՔԱՐ։ Նիկոլը պետք է անհապաղ հեռանա»,- նշել է Մանուկյանը:

Նա հայտնել է, որ առավել մանրամասն տեղեկություններ կներկայացնի այսօր երեկոյան և շնորհակալություն հայտնել աջակցության, զորկացության եւ սրտացավության համար։