ԵՐԵՎԱՆ, 24 օգոստոսի. /Նովոստի-Արմենիա/. Քաղաքաշինության կոմիտեի նախագահ Վահագն Վերմիշյանը հայտնեց, որ այս պահին «Մալաթիա մոլի» շրջակայքի բնակիչների տարհանման խնդիր դրված չէ:
«Հրդեհը բավականին հեռու է բնակելի մասից, նպատակահարմար չենք գտնում այս պահին իրականացնել տարհանման գործընթաց»,- ասաց նա:
Загружается новость ... "Лево"
Միաժամանակ նա դժվարացավ ասել, թե արդյոք տեղի է ունեցել շինարարական նորմերի խախտում թե ոչ, ավելացնելով, որ այդ մասին պարզ կլինի համապատասխան ուսումնասիրություններից հետո:
Վալերի Օսիպյանն իր հերթին ասաց, որ Սամվել Ալեքսանյանը դժգոհություն հայտնել, որ հրդեհի բռնկման առաջին իսկ պահերից անհրաժեշտ թվով հրշեջ մեքենաներ չեն ժամանել, ինչի հետևանքով կրակը տարածվել է պահեստների կողմ:
Լրագրողների հարցին, թե ինչը կարող էր հրդեհի պատճառ դառնալ, Ալեքսանյանը խուսափեց պատասխանել, ասելով, որ այս պահին ոչինչ հայտնի չէ:
Միաժամանակ, ըստ ոչ պաշտոնական տեղեկության, տեղի է ունեցել անսարք էլեկտրալարերի բռնկում կահույքի արտադրամասում:
Այս պահին հրդեհի վայրում աշխատում է ԱԻՆ ՓԾ 22 մարտական հաշվարկ: Ամբողջ շրջակայքը ծխահարված է, կան ծխահարված մարդիկ:
Ոստիկանության և հրշեջների թվում կան մարդիկ, ովքեր դիմում են շտապօգնություն` առաջին բուժօգնության ստանալու նպատակով:
Հրդեհի մասին ահազանգը ստացվել է շաբաթ ժամը 15:47-ին: Այս պահին տեղում աշխատում է ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից 22 մարտական հաշվարկ:
«Մալաթիա մոլ» առևտրի կենտրոնը, որը գտնվում է Մալաթիա-Սեբաստիա վարչական շրջանում, սկսել է գործել 2016 թվականին: Կենտրոնը պատկանում է նախկին պատգամավոր, գործարար Սամվել Ալեքսանյանին, ում պատկանում է նաև Yerevan City սուպերմարկետների ցանցը: -0-
