ԵՐԵՎԱՆ, 3 օգոստոսի. /Նովոստի–Արմենիա/. Հուլիսի 17–31–ը Երևանում ՊՊԾ գունդը գրաված «Սասնա ծռեր» խմբի 10 անդամներ են կալանավորվել։
Ինչպես հայտնում է «Ազատություն» ռադիոկայանի հայկական ծառայությունը, կալանավորվածների թվում են` Վարուժան Ավետիսյանը, Արայիկ Խանդոյանը (Միայնակ գայլ), Վարդան Գերավետյանը, Սմբատ Բարսեղյանը, Սերգեյ և Արեգ Կյուրեղյանները։
«Սասնա ծռեր» խմբի անդամների պաշտպանության
խմբի անդամ Կարապետ Բադալյանի հաղորդմամբ, կալանավորվել են նաև խմբավորման անդամներ Գառնիկ Հովակիմյանը, Արթուր Սողոմոնյանը, Մարտիրոս Հակոբյանը, Էդգար Սողոմոնյանը։
Բադալյանը հայտնել է, որ երկու ամսով նրանց կալանավորելու որոշումը դատարանը կայացրել է գիշերը։
Նրանք մեղադրվում են պատանդներ պահելու և զենքի անօրինական ձեռքբերելու, պահելու և տեղափոխելու մեջ։
Փաստաբան Արա Ղարագյոզյանը Tert.am–ին ասել է, որ Վարուժան Ավետիսյանը չի ընդունել իրեն ներկայացված մեղադրանքը։
Ընդդիմադիր Ժիրայր Սեֆիլյանի զինված կողմնակիցները հուլիսի 17–ին մուտք են գործել ՊՊԾ գնդի տարածք։ Նրանք պահանջում էին ազատ արձակել Ժիրայր Սեֆիլյանին, ով կալանավորվել էր շուրջ մեկ ամիս առաջ մի խումբ անձանց կողմից զենք ապօրինի պահելու կասկածանքով։
Հուլիսի 31-ին զինված խումբը զենքը վայր է դրել և հանձնվել իշխանություններին: Այս ընթացքում զոհվել են ոստիկանության երկու աշխատակից: Զինված խմբի անդամների և իրավապահ մարմինների աշխատակիցների շրջանում եղել են վիրավորներ: -0-
