Տիմոշենկոն կարծում է, որ հաջորդ շաբաթվա վերջում դատարանն իրեն դատավճիռ կներկայացնի

Ուկրաինայի նախկին վարչապետ Յուլիա Տիմոշենկոն կարծում է, որ հաջորդ շաբաթվա վերջին դատարանը կներկայացնի «գազի» գործով իր դատավճիռը, հաղորդում է «ՌԻԱ Նովոստին»։

Ուկրաինայի գլխավոր դատախազը նախկին վարչապետին մեղադրում է 2009թ.-ին «Գազպրոմի» և «Ուկրաինայի նավթագազի» միջև համաձայնագրի ստորագրման ժամանակ պաշտոնական լիազորությունների չարաշահման մեջ, որոնք գազային ճգնաժամի են հանգեցրել։ Տիմոշենկոն ձերբակալվել է օգոստոսի 5-ին։ Հինգշաբթի անցնում է «գազի» գործով հերթական նիստը։

«Սեպտեմբերի 15-16-ին Ձեզ առաջադրել են ներկայացնել մեղադրական դատավճիռը»,- հինգշաբթի Կիևի Պեչերյան դատարանի նիստի ժամանակ դատավոր Ռոդիոն Կիրեևին ասել է Տիմոշենկոն։

Միաժամանակ նա վկայակոչել է Ուկրաինայի նախագահի աշխատակազմի իր աղբյուրներին և դատախազությանը։

Դատավորը ամբաստանյալին կարգի է հրավիրել, իսկ նրա հայտարարությունը հերքել է։ «Դատարանը միայն օրենքին է ենթարկվում»,- ասել է Կիրեևը։ -0-