Ռուսաստանի Կրասնոդարի երկրամասում տեղի ունեցած ջրհեղեղի զոհերի թվում Հայաստանի երկու քաղաքացի կա

Ռուսաստանի Կրասնոդարի երկրամասի Տուապսեի շրջանում տեղի ունեցած տարերային աղետի հետևանքով զոհված 14 մարդկանց թվում Հայաստանի երկու քաղաքացի կա, հաղորդում է Analitika.at.ua կայքը՝ հղում անելով «Ժիվայա Կուբան» («Живая Кубань») գործակալությանը:

«Բացահայտվել է Գիզելդերե գյուղի բնակչի ինքնությունը: Նա 1977 թ.-ին ծնված Աբովյան Արթուրն է, ով Հայաստանի քաղաքացի է: Հայաստանի քաղաքացի է նաև Ջուբգիի բնակիչ 1937 թ.-ին ծնված Մնացականյան Ալբերտ Բախշիևիչը», - նշվում է տեղեկատվության մեջ:

Տեղատարափ անձրևների պատճառով շաբաթ օրը լեռնային գետերի ջրի մակարդակի բարձրացման հետևանքով ջրի տակ են մնացել Կրասնոդարի երկրամասի Տուապսե և Ապշերոնսկի շրջանների 22 բնակավայրեր:-0-