Ղրղզստանի վարչապետ Տեկեբաևը հայտարարում է երկրում նախապատրաստվող նոր հեղաշրջման մասին

Ղրղզստանի ժամանակավոր կառավարության վարչապետ Օմուրբեկ Տեկեբաևը հայտարարում է, որ որոշ ապակառուցողական ուժեր երկրում երեքշաբթի հերթական պետական հեղաշրջման փորձ են ծրագրում, հաղորդում է ՌԻԱ Նովոստին։ 

«Ապակառուցողական ուժերը հունիսի 22-ին Ղրղզստանում հերթական պետական հեղաշրջումն են նշանակել... Մենք գիտենք՝ ովքեր են նրանք, բայց մենք նրանց չենք կարող նստեցնել, քանի որ նրանք առայժմ խոսում են խաղաղ բողոքի ակցիաների մասին, թեև նրանց ծրագրերը մեզ հայտնի են»,- Տեկեբաևի խոսքերն է մեջբերում «24.kg» գործակալությունը։

Ղրղզստանի ժամանակավոր կառավարությունը եկել է իշխանության այս տարվա ապրիլին զանգվածային բողոքների ալիքի արդյունքում։ Նախագահ Կուրմանբեկ Բակիևը ստիպված էր լքել երկիրը և ներկայում գտնվում է Բելառուսում։

«Մենք պետք է կրճատենք Ղրղզստանում անցումային ժամանակահատվածի ժամկետները և խորհրդարանական ընտրություններ հայտարարել սեպտեմբերին»,- հայտարարում է Տեկեբաևը։ Ըստ նրա, կոալիցիոն կառավարության աշխատանքի կարգը որևէ տեղ սահմանված չէ, գոյություն չունի աշխատանքային հաստատված կանոնակարգ։ «Ժամանակավոր կառավարությունը կազմված է 14 անկախ, միմյանցից անկախ մարդկանցից,- ասում է Տեկեբաևը,- դա է ժամանակավոր կառավարության թե ուժը, թե թուլությունը։ Մենք չենք կարողանում պայմանավորվածության, միասնական կարծիքի հասնել, չկա նպատակաուղղված միասնական քաղաքականություն»։ -0-