ՌԴ նախագահին առընթեր Պատմության կեղծմանը դիմակայելու հանձնաժողովը գլխավորել է Նառիշկինը

ԵՐԵՎԱՆ, 19 մայիսի. /Նովոստի-Արմենիա/. ՌԴ նախագահին առընթեր ՌԴ շահերին դեմ պատմության կեղծմանը դիմակայելու հանձնաժողովը կգլխավորի պետության ղեկավարի աշխատակազմի ղեկավար Սերգեյ Նառիշկինը, հաղորդում է ՌԻԱ Նովոստին:

Համաձայն նախագահի հրամանագրի, որի տեքստը տեղադրվել է Կրեմլի կայքում, հանձնաժողովի կազմում ընդգրկվել է 20 հոգի, որոնց թվում են նախագահի աշխատակազմի, ԱԳՆ, ԱԴԾ, ԱՀԾ, ԱԽ, Տարածաշրջանային զարգացման  նախարարության, Արդարադատության, Մշակույթի նախարարարությունների, Հանրային պալատի, Պետդումայի, Արխիվային դաշնային գործակալության, Գիտության և նորարարությունների գործակալության ներկայացուցիչներ:

Հանձնաժողովի նախագահի տեղակալներ են նշանակվել ՌԴ գիտության և կրթության  փոխնախարար Իսահակ Կալինան և նախագահի աշխատակազմի ղեկավարի օգնական Իգոր Սիրոշը, պատասխանատու քարտուղար է նշանակվել ներքին քաղաքականության հարցերով՝ նախագահի վարչության դեպարտամենտի պետ Իվան Դեմիդովը:-0-