Ապրիլին Կազանում ԱՊՀ-ում նորարարական հարթության զարգացմանը նվիրված միջազգային համաժողով կանցկացվի

Ապրիլի 16-17-ին Կազանում «ԱՊՀ նորարարական հարթության զարգացումը։ Համագործակցության երկրների առևտրաարդյունաբերական պալատների դերն ու տեղը» թեմայով միջազգային համաժողով կանցկացվի Ռուսաստանի, Բելառուսի, Ղազախստանի և Ուկրաինայի ԱԱՊ նախաձեռնությամբ, տեղեկացնում է ԱՊՀ Գործադիր կոմիտեի պաշտոնական կայքում տեղակայված հաղորդագրությունը։

Միջոցառման կազմակերպիչներն են. ՌԴ Առևտրաարդյունաբերական պալատը և Թաթարստանի հանրապետության կառավարությունը, ինչպես նաև ՌԴ նախագահի վարչակազմի, ԱՊՀ Գործադիր կոմիտեի, ՌԴ ԱԳՆ, ԱՊՀ երկրների Առևտրաարդյունաբերական պալատների, ԵՎՐԱԶԵՍ ինտեգրման կոմիտեի քարտուղարությանը, ՌԳԱ աջակցությամբ։   

Համաժողովի շրջանակներում նախատեսվում է դիտարկել համատեղ նորարարական զարգացման ոլորտում ԱՊՀ երկրների փոխգործակցության համար պայմանների ձևավորման և այդ գործընթացում առևտրաարդյունաբերական պալատների դերի բարձրացման հետ կապված հարցեր։

Համաժողովը կանցկացվի լիագումար նիստի և կլոր սեղանների ձևաչափում։

Միջոցառմանը մասնակցելու են հրավիրված ՌԴ կառավարության, Պետական Դումայի և նախագահի վարչակազմի, «Ռոսնանոտեխնոլոգիա» և «Ռոստեխնոլոգիա» պետական կորպորացիաների, ՌԳԱ և այլ կազմակերպությունների ներկայացուցիչներ, ինչպես նաև ԱՊհ երկրների պետական մարմինների, իշխանության, առևտրաարդյունաբերական պալատների և բիզնես-համայնքների ներկայացուցիչները։ --0--