Մոսկվայի մետրոյում մարտի 8-ին կհնչեն Ռոժդեստվենսկու բանաստեղծություններն ու Մորիայի երաժշտությունը

Մոսկվայի մետրոպոլիտենն իր ուղևորների գեղեցիկ կեսին կշնորհավորի մարտի 8-ի կապակցությամբ բանաստեղծությունների և երգերի միջոցով, «ՌԻԱ Նովոստիին» տեղեկացրել է Մոսկվայի մետրոպոլիտենի ռադիոծրագրերի աշխատակցուհին։

«Մարտի 7-ին, 8-ին և 9-ին Մոսկվայի մետրոպոլիտենի ռադիոծրագիրը տոնական երաժշտական-բանաստեղծական ծրագիր է պատրաստել։ Այդ օրերին մետրոյում կհնչեն Պոլ Մորիայի երաժշտական ստեղծագործությունները, Խաչատրյանի «Վալսը», Իրինա Պոնարովսկայի կատարմամբ «Սիրո երաժշտությունը», Եվգենի Մարտինովի կատարմամբ «Խնձորենիները ծաղկունքի մեջ» երգերը, ինչպես նաև Ռոբերտ Ռոժդեստվենսկու և Միխայիլ Սվետլովի բանաստեղծությունները», - պատմել է գործակալության զրուցակիցը։

Նրա խոսքերով, Կանանց միջազգային օրը մետրոյում տղամարդկանց անունից շնորհավորանքներ կհնչեն՝ սիրելի կանանց սիրո, առողջության, հաջողության և երջանկության մաղթանքներով։-0-