Շուրջերկրյա ճանապարհորդություն կատարող ռուսական «Պալադա» առագաստանավը ժամանել է Նոր Զելանդիա

Շուրջերկրյա ուսումնական ճանապարհորդություն կատարող ռուսական «Պալադա» առագաստանավ-ֆրեգատը ժամանել է Նոր Զելանդիայի Օկլենդ նավահանգիստ, «ՌԻԱ Նովոստիին» տեղեկացրել է Հեռավոր-արևելքի պետական տեխնիկական ձկնաբուծական համալսարանի մամուլի ծառայության ներկայացուցիչը։

«Օկլենդի բնակիչները մեծ հետաքրքրություն ցուցաբերեցին առագաստանավի նկատմամբ։ Նոր Զելանդիայի տասնյակ բնակիչներ, ափին կանգնած, ծափահարություններով և խանդավառ ճիչերով ողջունում էին ֆրեգատի ժամանումը։ Շուրջերկրյա ճանապարհորդության մասնակիցները Օկլենդում կծանոթանան քաղաքին, կհանդիպեն երիտասարդության հետ», - նշել է գործակալության զրուցակիցը։

Առագաստանավը Նոր Զելանդիայում կմնա երկու օր, իսկ այնուհետև կուղևորվի դեպի Ֆիջի կղզիներ։ Նոր Տարին ֆրեգատը կդիմավորի Խաղաղ օվկիանոսում՝ Հարավային Խաչի համաստեղության տակ։

Հեռավոր-արևելքի պետական տեխնիկական ձկնաբուծական համալսարանին պատկանող «Պալադա» ֆրեգատը մեկնել է շուրջերկրյա ճանապարհորդության նոյեմբերի 2-ին՝ Վլադիվոստոկից։ Բացի անձնակազմից, նավի վրա են գտնվում Ռուսաստանի Հեռավոր Արևելքի նավագնացության ուսումնական հաստատությունների 116 կուրսանտներ և Կոստրոմայի Ծովային երիտասարդական լիգայի հինգ յունգա։

Ծովային արշավը նվիրված է Ֆադեյ Բելինսգհաուզենի և Միխայիլ Լազարևի հրամանատարությամբ ռուսական նավերի շուրջրերկրյա ճանապարհորդության 190 և Ռուսաստանի գիտնականների կողմից Անտարկտիդայի հետազոտությունների 50-ամյակներին։-0-