«Գազպրոմը» կարող է դառնալ ամենաթանկ կոնցեռնը աշխարհում. Մեդվեդև

ԵՐԵՎԱՆ, 9 օգոստոսի./Նովոստի-Արմենիա/. «Գազպրոմի» գինը կարող է դառնալ համաշխարհային ընկերությունների թվում ամենաբարձրը, համարում է ՌԴ առաջին փոխվարչապետ Դմիտրի Մեդվեդևը:

«Գազպրոմը» տնօրինում է աշխարհում բնական գազի ամենախոշոր ռեսուրսները: Երբ ես եկա տնօրենների խորհուրդ  (2000թ.), կոնցեռն արժեր մոտ ութ միլիարդ դոլար, իսկ այսօր այն արժի ավելի քան 250 միլիարդ: Մի օր այն կարող է դառնալ աշխարհում ամենթանկարժեք կոնցեռնը»,- գերմանական «Շտեռն» ամսագրին տված հարցազրույցում ասել է Մեդվեդեևը, որը գլխավորում է «Գազպրոմի» տնօրենների խորհուրդը:

Ինչպես հայտնում է «ՌԻԱ Նովոստին», նա նշել է, որ այն ձեռնարկություններում, որոնք տնօրինում են ռազմավարական կարևորություն ունեցող ռեսուրսներ, պետության մասնակցությունն անխուսափելի է:

«Ամբողջ երկիրն իր բնակչության հետ կախում ունի «Գազպրոմից»: Մենք չենք ցանկանում, որպեսզի առաջանա տնտեսական կամ քաղաքական փլուզման վտանգ, այն դեպքում, եթե ձեռնարկությունը վաճառվի տասնյակ մասնավոր սեփականատերերի»,- ասել է առաջին փոխվարչապետը»:

Միաժամանակ նա հավատացրել է, որ «Գազպրոմն» այսօր գործում է բացառապես շուկայի օրենքներով, այնինչ «դեռևս 90-ականներին ամեն ինչ այլ էր»:

Մեդվեդևի խոսքերով, կոնցեռն ունի բացառիկ գործընկերներ, որոնք գազի համար վճարել են ոչ շուկայական գներով և դրանով հանդերձ ամեն տարի ստացել են լրահատկացում մինչև հինգ միլիարդ եվրո, բայց հավերժ չէր կարող այդպես շարունակվել:

Իր ժամանակին «Գազպրոմը» փոխեց գնային քաղաքականությունը ԱՊՀ մի շարք երկրների նկատմամբ: Մեր եվրոպական գործընկերները հասկանում են, որ դա տհաճ, բայց նորմալ գործընթաց է: ԱՊՀ-ում ոչ բոլորն էին պատրաստ շուկայական գներին, կարծիք կար` գազը թանկ կլինի, ամեն ինչ վատ կլինի: Վախի ալիքները հասան մինչև Արևմտյան Եվրոպա: Բայց, հետադարձ հայացք նետելով, այդ երկրներից և ոչ մեկում տնտեսությունը չէր զարգանում»,- ասել է առաջին փոխվարչապետը:

«Գազն այլևս այդպես չի վատնվում: Եվ դա դրական է ազդում տնտեսության և բնապահպանության վրա»,- համարում է նա:

Ի պատասխան փորձագետներից մեկի տեսակետը մեկնաբանելու խնդրանքին, որը չի բացառել 10-25 տարի հետո համաշխարհային բնական ռեսուրսների պաշարների համար ԱՄՆ-ի հետ պատերազմ սկսելու հավանականությունը, Մեդվեդևն ասել է. «Եթե մենք այդքան հեռու գնանք դեպի ապագան, ապա ես կմտածեի, որ այդ ժամանակ մեքենաները կաշխատեն ջրով»:

Միժամանակ նա ընդգծել է, որ «Գազպրոմը» մինչ օրս միշտ կատարել է գազի մատակարարման հետ կապված իր պարտավորությունները և այդ առնչությամբ ոչինչ էլ չի փոխվի»:

«Եվ, խնդրում եմ, չմոռանաք, որ «Գազպրոմի» սեփականատերերի վեց տոոկսը կազմում են գերմանական ընկերությունները»,- ավելացրել է առաջին փոխվարչապետը: --0—