Ռուսաստանը մտահոգված է Վրաստանում ռուսալեզու բնակիչների թվի կրճատմամբ - դեսպան

Ռուսաստանը մտահոգված է Վրաստանում ռուսերենով խոսողների թվի կրճատմամբ, հայտարարել է Վրաստանում ՌԴ դեսպան Վյաչեսլավ Կովալենկոն։

«Իրավիճակը բավականին տխուր է, քանի որ կրճատվում է ռուսերեն խոսող և հասկացող բնակչության շրջանակը։ Իմ կարծիքով, դա մեծապես կապված է միջին վրացական դպրոցում ռուսերեն լեզվի դասավանդման կտրուկ կրճատման հետ։ Եթե առաջ հանրապետության տարածքում ռուսերենով դասավանդման 500 դպրոց կար, ապա այսօր դրանց թիվը զգալիորեն կրճատվել է և կազմում է 40-ից ոչ ավելի»,- ուրբաթ ասաց դեսպանը Թբիլիսիի և Մոսկվայի միջև հեռուստակամուրջի ժամանակ, որը կազմակերպել էր ՌԻԱ Նովոստին։

Կովալենկոն նաև մտահոգություն հայտնեց, որ Վրաստանում կրճատվում է ռուսերեն ընթերցողների թիվը։ «Դա աղետ է Վրաստանի համար»,- ասաց նա։ «Ռուս գրքի խնդիրը Վրաստանում բավականին սուր է դրված»,- նշեց Կովալենկոն։

Նա կոչ արեց միջոցառումներ ձեռնարկել վրաց ընթերցողի համար ռուսական գրականության պահպանման ուղղությամբ, մասնավորապես, ժամանակակից ռուսական գրքերը ներկայացնել ռուսերենով։

Վրաստանում Ռուսաստանի դեսպանի կարծիքով. «Անհրաժեշտ է  մի շարք միջոցառումներ իրավիճակը շտկելու համար»։ Նա նաև հավելեց, որ. «Այդ միջոցառումների թվում կարող է լինել ռուս գրքի գրախանութների բացումը»։

Նրա կարծիքով, Թբիլիսիի կենտրոնում պետք է բացվի. «Ռուս գրքի մեծ գրախանութ, որտեղ կնարկայացվի թե դասական, թե ժամանակակից ռուսական գրականությունը, ինչպես թանկարժեք հրատարակումները, այնպե էլ ավելի մատչելիները»։

Դեսպանը նաև կոչ արեց ակտիվացնել երկու երկրների սպորտային և մշակութային կապերը և առաջարկեց այս տարվա հոկտեմբերին Թբիլիսիում անցկացնել ֆուտբոլի առաջնություն Ռուսաստանի և Վրաստանի հավաքականների վետերանների միջև։ –0---